1. Gəmiqayırma və gəmi təmiri (dəniz texnikası və texnologiya mühəndisliyi)

2. Gəmi energetik qurğuları və onların istismarı (dəniz texnikası və  avadanlıqlarının istismarı mühəndisliyi)

3. Gəmiçilik və gəmilərin hərəkətinin idarə edilməsi

4. Gəmilərin elektrik avadanlıqları və avtomatikası (elektrik mühəndisliyi)

5. Nəqliyyatda daşımaların və idarəetmənin təşkili mühəndisliyi (su nəqliyyatı üzrə)

6. Proseslərin avtomatlaşdırılması mühəndisliyi

7. Nəqliyyat servisi (su nəqliyyatı üzrə)

8. Menecment 

Əlavə ali təhsil müəssisə, təşkilat, idarə və ayrı-ayrı vətəndaşlarla Azərbaycan Dövlət Dəniz Akademiyası arasında bağlanmış fərdi müqavilələr əsasında həyata keçirilir. Əvvəlki ali təhsili və ya hazırda (bir ildən az olmayaraq) işlədiyi vəzifəsi seçdiyi ixtisasa uyğun gələn şəxslər  "Əlavə təhsilin məzmunu, təşkili və əlavə təhsilin hər hansı istiqaməti üzrə təhsil almış şəxslərə müvafiq sənədin verilməsi Qaydası"na uyğun olaraq müsabiqədə iştirak edə bilərlər.

Əlavə  ali təhsil almaq istəyənlər aşağıdakı sənədləri  təqdim etməlidirlər: 

- rektorun adına ərizə;

- ali təhsil haqqında sənədin, diplomun surəti (notarial qaydada təsdiq olunmuş) və qiymət kitabçasından çıxarış (diploma əlavə)(saatların miqdarı göstərilməklə);

- əmək kitabçasının surəti;

- işlədiyi dənizçilik müəssisə, təşkilat, şirkət və idarələrdən göndərilənlər üçün göndəriş, zəmanət;

- 3x4 sm ölçüdə 6 ədəd rəngli fotoşəkil;

- sağlamlıq haqqında arayış;

- şəxsiyyət vəsiqəsinin surəti (notarial qaydada təsdiq olunmuş);

- təhsil haqqını ödəmək haqqında öhdəlik müqaviləsi. 

Sənədlər 2012-ci il avqust ayının 10-dan sentyabr ayının 05-dək (şənbə və bazar günləri istisna olmaqla) saat 10.00-dan 14.00-dək ADDA-nın əsas binasında (II mərtəbə, tədris şöbəsi, otaq 204) qəbul edilir.

Əlavə ali təhsil (II təh

sil) almaq üçün akademiyaya sənəd vermiş şəxslərlə müsahibə aparılır. Müsahibədən uğurla keçənlər müsabiqə yolu ilə təkrar təhsil ixtisası  üzrə tələbələr sırasına qəbul edilirlər. Birinci aldığı təhsilin təkrar ali təhsil ixtisasına uyğunluğundan asılı olaraq qəbul olunduğu kurs müəyyənləşdirilir.

Xaricdə təhsil almış şəxslər əlavə ali təhsil (II təhsil) almaq üçün Azərbaycan Respublikası Təhsil Nazirliyində müvafiq proseduru keçməklə şəhadətnamə almalıdırlar.

Təhsil ödənişlidir. Təhsil haqqı müqavilə əsasında ayrı-ayrı ixtisaslara uyğun olaraq ödənilir. 

Ünvan:  Bakı şəhəri, Zərifə  Əliyeva küçəsi, 18. Azərbaycan Dövlət Dəniz Akademiyası

Əlaqə telefonu: (+994 12) 498-73-94

REKTORLUQ