İyunun 28-də Azərbaycan Dövlət Pedaqoji Kollecində məzun günü keçirildi. Kollecin tərbiyə işləri üzrə direktor müavini Şükufə Xankişiyeva məzunları təbrik edərək onlara gələcək həyatlarında uğurlar arzuladı, harada  işləmələrindən asılı olmayaraq bitirdikləri təhsil ocağının adını uca tutmalarını tövsiyə etdi. Bildirildi ki, kolleci bu il  550-yə yaxın məzun bitirir.

Tədbirdə Gülnar, Səma, Günay, Aytəkin, Cəmilə, Turanə, Minurə, Məlik bir-birindən maraqlı ifaları və rəqs nömrələri ilə məzun yoldaşlarını təbrik etdilər, kollecdə təhsil aldıqları müddətdə seçdikləri ixtisaslara dərindən yiyələnmələrində böyük əmək sərf etmiş müəllimlərinə minnətdarlıqlarını bildirdilər.  Kollecin tədris  hissə müdiri Gültəkin Əliyeva, tədris işləri üzrə direktor müavini Dilarə Hacıyeva, metodist  Fərqanə Əliyeva və başqaları məzunlara təbriklərini çatdıraraq onlara Azərbaycan xalqına layiqli vətəndaşlar olmağı arzu etdilər. 

Tədbirin sonunda fərqlənən məzunlara kollecin rəhbərliyi tərəfindən diplom və hədiyyələr təqdim edildi. Məzunlar  müəllimləri ilə xatirə şəkli çəkdirdilər.  

Rəşad ZİYADOV