Abşeron Rayon Təhsil Şöbəsi metodkabinetinin müdiri Məhərrəm Paşayevdən aldığımız məlumatda bildirilir ki, respublikamızın bütün regionlarında olduğu kimi, Abşeron rayon ümumtəhsil məktəblərinin V siniflərində dərs deyəcək müəllimlər üçün yeni fənn kurikulumlarının tətbiqi ilə əlaqədar təlim kursları keçirilir. Bu kursların səmərəli təşkili üçün rayonda texniki avadanlıqlarla təchiz edilmiş məktəblərdə 2 təlim mərkəzi yaradılıb.

Təlim kurslarının başa çatmış I mərhələsi fiziki tərbiyə fənni üzrə "İdrak" məktəb-liseyi, həyat bilgisi və riyaziyyat fənləri  isə "Mədəd" Azərbaycan təşkilatı tərəfindən keçirilib. Ümumilikdə Abşeron rayonu üzrə 496 müəllim 10-a yaxın fənn üzrə təlim kurslarından keçməlidir. Kurikulumun tətbiqi ilə əlaqədar aparılan bu təlim kurslarının II mərhələsi 30 iyul - 9 avqust, III mərhələsi isə 13-23 avqust tarixlərində rayonun 2 nömrəli tam orta məktəbində keçiriləcəkdir. 

Əli MƏMMƏDOV,
BDU-nun jurnalistika fakültəsinin I kurs tələbəsi