Mingəçevir Şəhər Təhsil Şöbəsindən aldığımız məlumata görə, Mingəçevir şəhərində məktəblərin əsaslı təmiri sürətlə davam etdirilir.

Mingəçevir Şəhər İcra Hakimiyyətinin sifarişi ilə  şəhər 3 nömrəli  tam orta məktəb üçün 20 sinif otağından ibarət yeni tədris korpusu inşa olunur. 450 şagird yerlik ikimərtəbəli binada hörgü və suvaq işləri başa çatdırılmış, dam örtüyü vurulub.

Hazırda binanın daxilində və fasad hissəsində rəngləmə işləri görülür.

Bundan əlavə, 11 nömrəli tam orta məktəbin  əsaslı təmiri isə sürətlə davam etdirilir. Təhsil ocaqları yeni dərs ilində istifadəyə veriləcəkdir.

Şəhərin digər məktəblərində də yeni dərs ilinə hazırlıqla əlaqədar cari təmir işləri aparılmışdır.  

Şakir CƏFƏROV