Təhsil Problemləri İnstitutundan aldığımız  məlumata  görə, Bakının Yasamal, Xətai rayonlarında və  Xırdalan şəhərində  məcburi köçkün məktəblərinin müəllimləri üçün təşkil olunan təlim kursları başa çatıb.  Kurslarda 2012-2013-cü  dərs ilində  V siniflərdə  Azərbaycan dili və ədəbiyyat, xarici dil, tarix, informatika və musiqi fənləri üzrə dərs deyən müəllimlər iştirak edib. On gün davam edən  məşğələləri "XXI əsr" Beynəlxalq Təhsil və İnnovasiya Mərkəzinin təlimçiləri aparıb. Kursun sonunda müdavimlərə müvafiq sertifikatlar  verilib. 

Sifai SƏFƏROVA