Naxçıvan Özəl Universitetində dördüncü çağırış Naxçıvan
Muxtar Respublikası Ali Məclisinin beşinci sessiyasından
irəli gələn vəzifələrin icrası və 6 ayın yekunlarının
müzakirəsi ilə əlaqədar yığıncaq keçirilib. Yığıncağı
giriş sözü ilə universitetin rektoru, professor İsmayıl
Əliyev açaraq sessiyadan irəli gələn məsələlərdən, ali
təhsil müəssisələri qarşısında duran vəzifələrdən və
Naxçıvan Özəl Universitetində onların yerinə
yetirilməsi yollarından danışmışdır. Qeyd olunmuşdur
ki, 2011-2012-ci tədris ilində universitetin bütün
ixtisasları üzrə 831 nəfər tələbə olmaqla, bunlardan da
613 nəfəri gündüz şöbəsində, 218 nəfər isə qiyabi şöbədə
təhsil almışlar. Universitetin gündüz şöbəsi üzrə
müvəffəqiyyət faizi 98, keyfiyyət faizi 26 olmuşdur.
Ötən ilin müvafiq dövrü ilə müqayisədə universitetin
gündüz şöbəsində müvəffəqiyyət faizi 77,3, keyfiyyət
faizi 18,5 olmuşdur. 2011-2012-ci tədris ilinin qış
imtahan sessiyasında isə ali təhsil ocağının gündüz
şöbəsində müvəffəqiyyət faizi 75,7, keyfiyyət faizi 11,5
olmuşdur.
Bu ildən etibarən müəllimlərin ixtisasartırma
kurslarındakı fəaliyyəti xeyli genişləndirilmiş, bunun
məntiqi nəticəsi olaraq bu il 9 müəllim Şimali Kipr Türk
Cümhuriyyəti Doğu Ağdəniz Universitetində 3 həftəlik
ixtisasartırma kurslarında iştirak etmiş və beynəlxalq
sertifikat almışdır. Universitet TEMPUS proqramının
iştirakçısı olaraq 1 nominasiya üzrə qalib olmuşdur.
Naxçıvan Özəl Universitetinin hazırda dünyanın 23
universiteti ilə əməkdaşlıq haqqında müqavilələri var.
Bu ali təhsil ocağından 2011-2012-ci tədris ilində
magistraturaya 17 tələbə qəbul olunmuşdur ki, onlardan
da 4 tələbə təhsilini xarici ölkələrdə davam
etdirəcəkdir.
Rektor çıxışında onu da diqqətə çatdırmışdır ki,
sessiyada ali təhsil müəssisələri qarşısında qoyulmuş
mühüm vəzifələrin öhdəsindən layiqincə gəlməli, yeni
tədris ilində informasiya-kommunikasiya
texnologiyalarının imkanlarından daha səmərəli istifadə
olunmalı, yüksək ixtisaslı kadr hazırlığını
genişləndirmək məqsədilə Şimali Kipr Türk Cümhuriyyəti
Doğu Ağdəniz Universitetinə ixtisasartırma kurslarına
müxtəlif ixtisaslar üzrə müəllimlərin göndərilməsi davam
etdirilməlidir. Bundan başqa, universitet tələbələrinin
ixtisasartırma kursunda da iştirakını təmin etmək və bu
kursları aparmaq üçün xaricdən yüksək ixtisaslı
mütəxəssisləri dəvət etmək qarşıda duran vacib
məsələlərdən biridir.
Sonra tədris və elmi işlər üzrə prorektor, tarix üzrə
fəlsəfə doktoru İbrahim Kazımbəyli, humanitar işlər üzrə
prorektor Əli Yusifov, iqtisadiyyat fakültəsinin
dekanı, iqtisadiyyat üzrə fəlsəfə doktoru Ceyhun
Mahmudov, pedaqoji fakültənin dekanı, riyaziyyat üzrə
fəlsəfə doktoru Məftun İsmayılov çıxış etmişlər.
Nuray ƏSGƏROVA |