Bu günlərdə Təhsil Problemləri İnstitutu Kurikulum Mərkəzində mərkəzin direktoru, dosent Ənvər Abbasovla "Mədəd-Azərbaycan" təşkilatının təlim keçdiyi iki mərkəz arasında "Skype" (virtual) bağlantısı yaradılmışdır.

Ənvər Abbasov Qubadakı riyaziyyat və Mingəçevirdəki tarix fənn müəllimlərinin təlimlərin gedişatı ilə bağlı fikirlərini dinləyib, onları maraqlandıran sualları cavablandırıb və lazımi tövsiyələr verib. O, müdavimlərin bu təlimlərdən maksimum yararlanaraq öyrəndiklərini tədris prosesində uğurla tətbiq edəcəklərinə ümidvar olduğunu bildirib. Virtual olaraq təlimçilər və müdavimlərlə geniş fikir mübadiləsi aparan Kurikulum Mərkəzinin direktoru Ənvər Abbasov keçirilən təlimlərin əhəmiyyətini xüsusi qeyd edərək sonda onlara uğurlar arzulayıb. 

Samirə KƏRİMOVA