Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

31 Avqsut 2012 - №34

 

Qazaxda V siniflərdə dərs deyəcək müəllimlərin təlim kursları başa çatıb

 

Azərbaycan təhsili uğurlu islahat dövrünü yaşayır. Kurikulum islahatı bu uğurun ən başlıca amillərindən biridir. Artıq bir neçə ildir ki, ibtidai siniflərdə təhsil islahatı önəmli şəkildə həyata keçirilir. İndi isə 2012-2013-cü tədris ilində V siniflərdə kurikulum islahatının davam mərhələsi başlayır.

Bu günlərdə Qazax Rayon Təhsil Şöbəsinin metodisti  Əli Süleymanovdan aldığımız məlumatda bildirilir ki, V siniflərdə dərs deyəcək müəllimlərin  kurikulum islahatı ilə bağlı nəzəri və praktik hazırlığını təmin etmək üçün  rayonumuzda iyun, iyul və avqust aylarında Azərbaycan dili və ədəbiyyat, riyaziyyat, xarici dil, Azərbaycan tarixi, fiziki tərbiyə, həyat bilgisi, təsviri incəsənət, texnologiya, musiqi və informatika fənləri üzrə təlim kursları təşkil olunmuşdur. Həmin kursların səmərəli keçməsi üçün 4 təlim mərkəzi yaradılmışdır. Şəhər 2, 5 nömrəli, məktəb-lisey və Ağköynək kənd tam orta məktəblərində aparılmış təlim kurslarında 18 qrupda 407 müəllim iştirak etmişdir.

Kurslar "Mədəd-Azərbaycan" təşkilatı, Xəzər Universiteti, "İdrak" məktəb-lisey və Təlim İnkişaf Mərkəzinin əməkdaşları tərəfindən yüksək səviyyədə aparılmışdır. Hər bir qrupa "Öyrədənlərin  öyrədilməsi" kursunu bitirib sertifikat almış təlimçilər rəhbərlik etmişlər.

Kursların səmərəli keçirilməsi üçün təlim mərkəzləri texniki avadanlıqlarla  təchiz edilmişdir.

Təlim kurslarında müəllimləri maarifləndirmək məqsədi ilə fənn kurikulumlarının strukturu və məzmunu, müasir kurikulumlar və yeni təlim strategiyaları, təlimin planlaşdırılması, yeni qiymətləndirmə mexanizmlərinin tətbiqi, yeni dərsliklərlə işin xüsusiyyətləri və nümunəvi dərs məşğələlərinin təşkili ilə əlaqədar mühüm məsələlər müəllimlərə çatdırılmışdır.

Fənlər üzrə təlimin təşkilinə dair  praktik işlər aparılmış, bəzi qabaqcıl müəllimlərin nümunəvi dərsləri təşkil olunmuşdur. Təlimçi müəllimlərdən Könül Mirzəyeva, Arifə Rəsulova, Adil Rzayev, Vəfa Qasımova, Aidə Əfəndiyeva, Rəhim Mustafayev, Aygün Həmzəyeva təlim məşğələlərini daha maraqlı və məzmunlu təşkil etmişlər.

Kursun son günü müəllimlərin aldıqları nəzəri və praktik biliklər test-sorğu materialları əsasında yoxlanılmışdır. 407 müəllimin hamısı sertifikat almışdır.

Müəllimlər kurs məşğələlərinin maraqlı və məzmunlu təşkilindən razı qaldıqlarını bildirmişlər. Qazax Rayon Təhsil Şöbəsinin işçiləri kursun gedişinə mütəmadi olaraq nəzarət etmişlər. 

ƏDALƏT

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov