Hər il yay nömrələrində balalarımızın oxu tələbatını ödəmək üçün dünya xalqlarının nağıllarını çap eləyən "Göyərçin" bu il də öz ənənələrinə sadiq qalıb. Jurnalın "Göyərçin"in kitabxanası seriyasından nəşr elədiyi "Qurbağa libaslı gözəl" və "Xoşbəxt günlər yolçusu" adlı kitablarda dünya xalqlarının bir-birindən maraqlı nağılları toplanılıb. Bu nağılları dilimizə jurnalın baş redaktoru, şair, ədəbiyyatşünas Rafiq Yusifoğlu tərcümə edib. Rəssamlardan Vəfa, Mətanət, Afər, Leyla, Aytən, Kübra və Nərminin çəkdikləri şəkillər bədii mətnlərin daha dərindən mənimsənilməsinə yardımçı olur.

Adıçəkilən kitablarda toplanan nağılların tərbiyəvi əhəmiyyəti böyükdür. Ümid edirik ki, uşaqlar müxtəlif məzmunlu bu nağılları oxuyanda sehrli bir dünyaya qədəm qoyacaqlar. "Göyərçin"in nağıl sovqatı balaca məktəblilərin çox xoşuna gələcək, onların oxu vərdişlərinin inkişafına yardımçı olacaqdır. 

Günel  ALMAZ