Bakıdakı 39  nömrəli tam orta məktəbdə  yeni dərs ilində təlim-tərbiyə işinin daha yaxşı qurulması üçün xeyli iş görülüb. Bununla əlaqədar məktəbin direktoru Tahirə Əzimova bildirdi ki, dərslərin başlanmasına az vaxt qalsa da, şagirdlərin yaxşı oxumaları və müəllimlərin rahat işləmələri üçün  təhsil müəssisəsində lazımi şərait yaradılıb. Artıq müəllimlər arasında dərs bölgüsü aparılıb, məktəbdaxili və məktəbdənkənar görülən işlər  planlaşdırılıb.        

Direktor onu da əlavə etdi ki, bu gün dərslik təminatı sahəsində  heç bir problemimiz yoxdur.  Pedaqoji kollektivin  İKT sahəsindəki fəaliyyəti getdikcə genişlənir və müəllimlərin  dərslərini fənn kabinetlərində, kompüter otaqlarında keçmələri   üçün tam şərait vardır.  

Pedaqoji şuranın qərarı ilə ötən dərs ilində olduğu kimi, yeni dərs ilində də  həftənin  VI günü  məktəbdə "Açıq  qapı" günü  elan ediləcək. Həmin gün  valideynlər öz uşaqlarının təlim-tərbiyəsi ilə yaxından  maraqlanacaq, istədikləri müəllimlərin dərslərində   və məktəbin ümumi işinin  planlaşdırılmasında  fəal iştirak edəcəklər.   

Ə.DAŞDƏMİRLİ,
Y.ƏLİYEV,
Ş.CƏFƏROV