Azərbaycan Respublikası DİN Dövlət Yol Polisi Baş İdarəsinin razılığı, Azərbaycan Respublikası Təhsil Nazirliyi, Respublika Gənc Turistlər və Diyarşünaslıq Mərkəzinin dəstəyi, Dünya Azərbaycanlı Gənclər və Gənclərin Həmrəyliyinə Dəstək İctimai Birliyinin təşkilatçılığı ilə bu il sentyabrın 1-2 tarixlərində Şamaxı rayonunun Avaxıl kəndində "Mototurizm" turu keçirilib. Turda  9 peşəkar, 11 həvəskar baykerlər və bu sahəyə marağı olan 5 şəxs iştirak edib. Müzakirə zamanı baykerlərə motosikllərin mühərrik həcmləri, yol hərəkəti qaydaları, sürücülərin hüquqları izah olunub. Eyni zamanda yaşanan əsas problemlərdən biri olan maşınların yol hərəkəti zamanı motosikl sürənlərin sıxışdırılması məsələsi diqqətə çatdırılıb. Tur zamanı Mototreykin açılması, Lökbatanda olan Motokrosun bərpası və motosikl idman növünü inkişaf etdirmək üçün təkliflər irəli sürülüb.

Bundan başqa, tur zamanı baykerlər Şamaxı rayonunun tarixi, mədəniyyəti, adət-ənənələri ilə də yaxından tanış olublar. 

Cəmilə ABDULLAYEVA,
Gənclərin Həmrəyliyinə Dəstək İctimai Birliyinin sədri