Oktyabrın 6-da Beynəlxalq Müəllimlər Günü münasibəti və gənclərdə şahmat idman növünə marağın artırılması məqsədi ilə Azərbaycan Müəllimlər İnstitutunun tələbələri arasında şahmat turniri keçirildi. Turnir Bakı Şəhər Gənclər və İdman Baş İdarəsi və Azərbaycan Müəllimlər İnstitutunun birgə təşkilatçılığı ilə baş tutdu. Yarışda institutun bütün ixtisas və kursları üzrə şahmata həvəsi olan tələbələr iştirak etdilər. Yarışın gedişatı Bakı Şəhər Gənclər və İdman Baş İdarəsinin məsul işçiləri Samir Kazımov və Salman Əbdülov, institutun tərbiyə işləri üzrə prorektoru, siyasi elmlər üzrə fəlsəfə doktoru Rəşad Sadıqov və ictimai təşkilatların nümayəndələri tərəfindən izlənildi.

Dünyanın ən qədim oyunlarından olan şahmat üzrə 4 saat davam edən turnirin yekununda ilk üç yerin qalibi diplom və dəyərli hədiyyələrlə mükafatlandırıldı. Şahmat turnirinin qalibləri müvafiq olaraq I yer - I kurs tələbəsi Tural Hacıyev, II yer - III kurs tələbəsi İkram Quliyev, III yer - Sənan Cəfərquliyev oldular.