Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

25 Oktyabr 2012 - №42

 

Pedaqoji Şura məktəbdaxili qiymətləndirməyə həsr olundu

 

"Məktəbdaxili qiymətləndirmə: problemlər və qarşıda duran vəzifələr» mövzusunda Azərbaycan Respublikası Təhsil Nazirliyində keçirilən müşavirədə səslənən məsələlərə və kurikulum üzrə oktyabr ayı ərzində Bakı Slavyan Universiteti Məktəb-Lisey Kompleksinin V siniflərində  keçirilən "açıq dərs"lər ətrafında müzakirələrə həsr olunmuş növbədənkənar pedaqoji şura iclasına həm də təlimçi müəllimlər, dərslik müəllifləri, pedaqoq alimlər və yaradıcı müəllimlər dəvət olunmuşdular.

Pedaqoji şura iclasında kompleksin direktoru T.Cəfərov məktəbdaxili qiymətləndirmənin yeni modeli, diaqnostik, summativ və formativ qiymətləndirmə üsulları və vasitələri haqqında təhsil naziri Misir Mərdanovun, Qiymətləndirmə və monitorinq şöbəsinin müdiri Təranə Hacıyevanın,  digər çıxışçıların müşavirədə səsləndirdikləri fikirləri iştirakçıların nəzərinə çatdırdı və geniş müzakirəyə imkan yaratdı. Məktəbdaxili qiymətləndirmənin elmi-nəzəri əsaslarına, müasir şəraitdə səmərəliliyinə və I-V siniflərlə yanaşı ənənəvi qiymətləndirmə tətbiq olunmaqda davam edən VI-XI siniflərdə tədris prosesinə, şagird nailiyyətlərinin qiymətləndirilməsinə yeni yanaşmanın vacibliyinə toxunuldu. VI-XI siniflərdə məktəbdaxili qiymətləndirmə ilə bağlı yeni meyarlar sistemi təklif olundu ki, bunun da ayrı-ayrı fənn metodbirləşmələrinin və kafedraların, Şagird parlamentinin, valideyn komitələrinin müzakirəsindən sonra yenidən pedaqoji şuranın müzakirəsinə veriləcəyi vurğulandı.

Oktyabrın ilk həftəsindən başlayaraq kompleksdə kurikulum üzrə təşkil edilən "açıq dərs"lər ətrafında müzakirələr aparıldı. Dərslərə dəvət olunmuş yaradıcı müəllimlərin, dərslik müəlliflərinin və metodist alimlərin gəldikləri qənaət bu oldu ki, kompleksin müəllimləri ayrı-ayrı fənlər üzrə kurikulum proqramlarının qoyduğu vəzifələri yerinə yetirməyi, dərslik və müəllim üçün vəsaitlə işləməyi bacarır, lakin formativ qiymətləndirmə ilə bağlı məktəb sənədlərinin doldurulmasında və qiymətləndirilmənin vaxtında aparılmasında ciddi çətinlik çəkirlər, dərslərdə qoyulan tədqiqat suallarına yekunlaşdırma zamanı şagirdlərin cavab tapmasına şərait yaradılmır. Yaradıcı tətbiqetmə vərdiş, bilik və bacarıqların praktik tətbiqindən çox ev tapşırığı kimi anlaşılır.

Pedaqoji şura iclasında həm də "Kurikulum" jurnalının son nömrəsində gedən ayrı-ayrı məqalələrə, dərs nümunələrinə münasibət bildirildi, kompleksdə tədris olunan "Məntiq" fənni üzrə dərs vəsaitinin II hissəsi müzakirə edildi və çapa tövsiyə ilə bağlı Təhsil Nazirliyinə müraciət barədə qərar qəbul olundu. 

Yeganə MƏMMƏDOVA,
BSU Məktəb-Lisey Kompleksinin  tədris işləri üzrə direktor müavini

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov