Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

2 Noyabr 2012 - №43

 

AMEA-nın İnformasiya Texnologiyaları İnstitutunda qrant layihələrinin yerinə yetirilməsi ilə bağlı müzakirələr aparılıb

 

Oktyabrın 30-da Azərbaycan Milli Elmlər Akademiyasının (AMEA) İnformasiya Texnologiyaları İnstitutunda Azərbaycan Respublikasının Prezidenti yanında Elmin İnkişafı Fondunun (EİF) qrantları vasitəsilə maliyyələşdirilən və həmin institutda həyata keçirilən layihələrin yerinə yetirilməsinin gedişi ilə bağlı hesabat və monitorinq xarakterli seminar keçirilmişdir.

 AzərTAc xəbər verir ki, seminarda layihə rəhbərlərinin hesabat məruzələri dinlənilmiş, müzakirələr aparılmışdır.

 EİF-in icraçı direktoru Elçin Babayev çıxış edərək bildirmişdir ki, rəhbərlik etdiyi qurumda xüsusilə əhəmiyyətli qrant layihələri üzrə aralıq hesabatların dinlənilməsi və bu məqsədlə seminarların, müşavirələrin təşkili ilə bağlı təqdirəlayiq bir ənənə formalaşmışdır. Burada əsas məqsəd şəffaflığın təmin edilməsinə nail olmaqdır. Layihə üzrə əldə olunan nəticələr elmi ictimaiyyət, bu sahədə çalışan alim və mütəxəssislər qarşısında məruzə edilərkən onun müzakirəsinə imkan yaranır. Bu, layihənin həyata keçirilməsi prosesinə müsbət dəyişikliklər etməyə imkan verir, eyni zamanda, elmi ictimaiyyət layihənin mahiyyəti ilə daha yaxından tanış ola bilir.

 İTİ-də həyata keçirilən axtarış-innovasiya xarakterli "Azərbaycanda milli elmi informasiya resursları və elmi istinad indeksinin formalaşdırılması mexanizmlərinin işlənməsi" mövzusunda layihənin əhəmiyyətindən danışan E.Babayev bildirmişdir ki, ilkin nəticələr onun uğurla yerinə yetirilməsindən xəbər verir. Hesab edirik ki, bu layihə üzrə əldə olunmuş nəticələr ölkədən kənarda nüfuzlu elmi tədbirlərdə diqqətə çatdırılmalıdır. Qrant layihələri vasitəsilə bu mövzu ətrafında regional və beynəlxalq konfrans keçirmək mümkündür. Məqsədimiz Azərbaycanda elmin inkişafına təkan verə biləcək hər bir addımı bu cür layihələr vasitəsilə dəstəkləməkdir.

 Azərbaycan Milli Elmlər Akademiyasının İnformasiya Texnologiyaları İnstitutunda (İTİ) bu elmi müəssisənin AMEA-nın Geologiya İnstitutu ilə birgə yerinə yetirdiyi "Azərbaycanda milli elmi informasiya resursları və elmi istinad indeksinin formalaşdırılması mexanizmlərinin işlənməsi" mövzusunda qrant layihəsi üzrə doqquz aylıq hesabat məruzəsi ilə layihənin rəhbəri, İTİ-nin direktoru, AMEA-nın müxbir üzvü Rasim Əliquliyev çıxış etmişdir.

 Məruzədə institutun imkanları, burada aparılan elmmetrik tədqiqatlar, qrant layihəsinin məqsədi və fəaliyyət planı, layihə üzrə cari müddətdə görülmüş işlər, dünya təcrübəsinin öyrənilməsi, təhlillərin aparılması və digər məsələlərlə bağlı geniş məlumat əksini tapmışdır.

 Sonra İTİ-də yerinə yetirilən fundamental-tətbiqi xarakterli "Multibiometrik sistemlərdə informasiyanın aqreqasiyası metodlarının işlənməsi" layihəsinin rəhbəri Lyudmila Suxostatın layihənin yerinə yetirilməsinin gedişi haqqında hesabat məruzəsi dinlənilmişdir.

 Hesabat çıxışlarından sonra mövzular ətrafında müzakirələr aparılmış, suallar cavablandırılmışdır.

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov