"Gənclərin Elmi Araşdırmalarına Dəstək" İctimai Birliyi Gənclər və İdman Nazirliyinin maliyyə dəstəyi ilə "Ali təhsil alan gənclərin elmi tədqiqatlara istiqamətləndirilməsi və müasir elmi tədqiqat metodları" layihəsini həyata keçirir.

 AMEA-dan AzərTAc-a bildirmişlər ki, layihə çərçivəsində gənc tədqiqatçılar müasir elmi tədqiqat metodları (akademik məqalə, konfrans məruzələri, tezis və dissertasiyanın yazılma qaydaları, tədqiqat zamanı müasir informasiya texnologiyalarından səmərəli istifadə metodları), xaricdə elmi tədqiqat və təhsil imkanları, elmin fərdi və sosial həyatdakı rolu, ölkənin sosial-iqtisadi inkişafı baxımından akademik fəaliyyətin əhəmiyyəti, elmi tədqiqatçının xüsusiyyətləri və keyfiyyətləri haqqında məlumatlar əldə edəcəklər.

 Layihənin təqdimatı noyabrın 16-da Lənkəran Dövlət Universitetində keçiriləcəkdir.