Javascript DHTML Drop Down Menu Powered by dhtml-menu-builder.com

Ana səhifə Seçilmişlərə əlavə et Bizə yazın

 

ARXİV

30 Noyabr 2012 - №47

 

Pedaqogikanın aktual problemlərinə həsr olunmuş konfrans

 

Naxçıvan Dövlət Universitetində "Ümumi orta təhsilin müasir problemləri" mövzusunda beynəlxalq elmi konfrans keçirildi. Azərbaycan Respublikası Təhsil Problemləri İnstitutu, Naxçıvan Müəllimlər İnstitutu ilə birgə təşkil olunmuş konfransı NDU-nun rektoru, akademik İsa Həbibbəyli açaraq Azərbaycanda, o cümlədən Naxçıvan Muxtar Respublikasında təhsilin inkişafına göstərilən diqqət və qayğıdan danışdı. Qeyd olundu ki, konfrans modern təhsil sisteminin inkişafı, təhsilin ayrı-ayrı sahələrinin əlaqələndirilməsi, yeni elmi metodologiyanın tətbiqi, mövcud problemlərin araşdırılması və həlli baxımından əhəmiyyət kəsb edir.

Konfransın plenar iclasında Naxçıvan Müəllimlər İnstitutunun rektoru, Pedaqoji və Sosial Elmlər Akademiyasının həqiqi üzvü, pedaqogika üzrə elmlər doktoru, professor Oruc Həsənli "Naxçıvan Muxtar Respublikası məktəblərində psixoloji xidmət: nailiyyətlər və perspektivlər", Azərbaycan Respublikası Mədəniyyət və Turizm Nazirliyi Aparatının rəhbəri, iqtisad üzrə fəlsəfə doktoru Firudin Qurbanov "Turizm sahəsi üzrə kadr hazırlığı", pedaqogika üzrə elmlər doktoru, professor Fərahim Sadıqov "Şihabəddin Yəhya Sührəvərdinin tərbiyəvi fikirləri", Azərbaycan Respublikası Təhsil Problemləri İnstitutunun direktor müavini, pedaqogika üzrə fəlsəfə doktoru, dosent Ənvər Abbasov "Yeni kurikulumlar və təhsil sahəsində qiymətləndirmə", pedaqogika üzrə elmlər doktoru Hümeyr Əhmədov "Azərbaycan universitetlərinin ümumavropa təhsil və elm məkanına inteqrasiya prosesləri modernləşdirmənin tələbləri kontekstində" movzularında məruzələr etdilər. Məruzələrdə pedaqogika və psixologiyanın aktual problemlərindən, bu sahədəki elmi yeniliklərdən, dünya təcrübəsində özünü doğrultmuş modern metodlardan, milli mənəvi dəyərlərə əsaslanan ənənəvi tərbiyə üsullarından bəhs olundu.

Bölmə iclaslarından sonra konfransa yekun vuruldu. Xatırladaq ki, beynəlxalq elmi konfransın materialları ayrıca kitab şəklində nəşr olunmuşdur. 

Mehriban SULTAN,
NDU-nun Mətbuat  şöbəsinin müdiri

 
 
 
Səhifənin başına qalx "Xəbərlər" bölməsinə get Nömrənin müdəricatına dön

Səhifənin başına qalx

 
 

 
 
 
 
 
 
 

 
 

İnternet və ya sayt daxilində  axtarmaq istədiyiniz sözü xanaya yazıb "Axtar" düyməsini sıxın

internetdə

saytda

 
 

AZƏRBAYCAN
RESPUBLİKASI
TƏHSİL
QANUNU

ƏN YAXŞI
MÜƏLLİMLƏR

ƏN YAXŞI
MƏKTƏBLƏR

700 BAL
TOPLAYANLAR

 
Heydər Əliyev
İlham Əliyev
Heydər Əliyev Fondu

Təhsil Nazirliyi

 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

ELANLAR

       
 

Copyright  ©  All Rights Reserved.
Created and supported by Mehman Shafagatov