C.Cabbarlının ev-muzeyində  görkəmli satirik şair  Mirzə Ələkbər Sabirin  150 illik yubileyinə həsr edilmiş tədbir keçirilib. Ziyalıların, ədəbiyyatşünas alimlərin dəvət olunduğu tədbiri  muzeyin direktoru  Qəmər Seyfəddinqızı  açaraq satirik şairin zəngin yaradıcılığından ətraflı  bəhs edib. Çıxışda şairin yaradıcılığında dövrün haqsızlıqlarından, avam  kütlələrin qəflət yuxusunda  qalmasından, savadsızlıqdan, cəhalətdən ustalıqla  bəhs olunduğundan  söz açılıb. Sonra  "Sabir inqilabi satiranın mübariz bayraqdarıdır!", "C.Cabbarlı yaradıcılığında  M.Ə.Sabir ənənələri", "M.Ə.Sabir və "Molla Nəsrəddin" jurnalı  mövzularında  məruzələr dinlənilib.

Tədbirdə  Nizami rayonundakı Uşaq və Gənclər Yaradıcılıq  Mərkəzi  dram dərnəyinin üzvləri  M.Ə.Sabirin satiraları  əsasında hazırladıqları ədəbi-bədii kompozisiyanı  nümayiş etdiriblər.