Bu
günlərdə Bakıdakı 99 nömrəli tam orta məktəbdə
Valideyn-Müəllim Assosiasiyası tərəfindən 10-cu sinif
şagirdlərinin iştirakı ilə "31 dekabr - Dünya
Azərbaycanlılarının Həmrəylik Günü"nə həsr olunmuş
tədbir keçirilib. Tədbir 2 hissədən - breyn-rinq və
musiqi proqramından ibarət olub. Tədbirdə məktəbin
direktoru Ofelya Məmmədova, Azərbaycan Milli
Valideyn-Müəllim Assosiasiyası İctimai Birliyinin icraçı
direktoru Təranə Şərifova, Binəqədi Rayon İcra
Hakimiyyətinin şöbə müdiri Tamilla Hacıyeva, "Odlar
Yurdu" Universitetinin şöbə müdiri Xatirə Tağıyeva,
həmçinin universitetin tələbələrindən ibarət musiqi
kollektivi və məktəbin müəllim-şagird kollektivi iştirak
edib.
Tədbiri giriş sözü ilə məktəb üzrə VMA-nın sədri Salman
Əbdülov açaraq qısa müddət ərzində yaranmış VMA-nın
gördüyü işlər barədə geniş məlumat verib.
Sonra çıxış edənlər iştirakçıları salamlayaraq Binəqədi
rayonunda 32 məktəbdən beşində VMA-nın yaranmasını
müsbət hal kimi qiymətləndiriblər. Ən əsası isə 99
nömrəli tam orta məktəbin VMA sədri Salman Əbdülovun
həmin məktəbin məzunu olduğunu, məktəbə daha sıx
bağlılığını qeyd etdilər.
Çıxışlardan sonra məktəbə göstərdiyi diqqət və qayğıya
görə Binəqədi Rayon İcra Hakimiyyətinin başçısı Xaləddin
İsgəndərova VMA-nın idarə heyətinin qərarına əsasən
2012-ci il üzrə "Məktəbin dostu" adı verilib və müvafiq
plaket icra hakimiyyətinin rəsmilərinə təqdim olunub.
Tədbirin ikinci hissəsində - breyn-rinq intellektual
oyununda 10-cu "a", 10-cu "b", 10-cu "c" və 10-cu "d"
siniflərinin komandalarının iştirakı ilə yarımfinal və
final mərhələləri keçirilib. Sonda I yeri tutmuş 10-cu
"d" və II yeri tutmuş 10-cu "a" siniflərinin komanda
üzvləri qiymətli xatirə hədiyyələri və kubokla
mükafatlandırılıblar. Bununla yanaşı, "İdman ili"nin
yekunları ilə əlaqədar məktəb üzrə VMA tərəfindən
məktəbə toplar, qapı toru, basketbol toru, ibtidai və
yuxarı sinif şagirdləri üçün futbol formaları təqdim
edilib.
Tədbirə "Odlar Yurdu" Universitetinin tələbələrinin
təqdim etdikləri musiqi proqramı ilə yekun vurulub.
Y.ƏLİYEV |