|
 Yanvarın
17-də Azərbaycan Dövlət Pedaqoji Universitetində qış
imtahan sessiyasının təşkili ilə əlaqədar mətbuat
konfransı keçirildi. Tədbiri ADPU-nun tədris işləri
üzrə prorektoru, professor Malik Cəbrayılov açaraq
imtahanların İKT vasitəsilə aparılmasını diqqətə
çatdırdı.
Bildirdi ki, universitetdə artıq tədris planları
dəyişilib, proqramlar yeniləşib, kafedraların
strukturlarında yeniliklər və təhsilin keyfiyyətinin
artırılmasında xeyli iş görülüb.
ADPU-nun tədris-metodika şöbəsinin müdiri, dosent Namiq
Hacıyev universitetdə gedən imtahanların gedişi
haqqında məlumat verdi. Sonra qonaqlar imtahan gedən
otaqlara baxdılar. Ayrı-ayrı otaqlarda filologiya,
tarix və coğrafiya fakültələrinin əyani şöbəsində
oxuyan I, III, IV kurs tələbələri imtahan verirdilər.
Otaqların hər birinə nəzarətçilər ayrılmış və
tələbələrin öz biliklərini nümayiş etdirmələri üçün
lazımi şərait yaradılmışdır. Burada imtahanlarla
əlaqədar yaradılmış "Qaynar xətt"in sədri, professor
Süleyman Məmmədov və imtahan nəzarət qrupunun rəhbəri,
dosent Qulaməli Balaşovla görüşdük. Q.Balaşov dedi ki,
bir gündə İKT-dən istifadə etməklə 1400 tələbə imtahan
verib öz qiymətini bilir. Digər bir otaqda isə
universitetin coğrafiya, pedaqogika-psixologiya,
mühəndis-pedaqoji və bədii qrafika fakültələrinin qiyabi
şöbəsində oxuyan IV və V kurs tələbələri də yazılı
imtahan verirlər.
Biz bunlarla yanaşı II mərhələ üzrə imtahan verən
tələbələrlə də tanış olduq. Məlum oldu ki, bu otaqda 70
bal toplayıb qiymət alan tələbələr öz qiymətlərindən
narazı qaldıqlarına görə "yaxşı" və "əla" qiymət almaq
üçün ikinci dəfə imtahan verirlər.
Tələbələr imtahanların obyektiv və şəffaf
keçirilməsindən razılıq edirdilər.
Şakir CƏFƏROV |
