|
Azərbaycan Respublikasında təhsil sisteminin
informasiyalaşdırılması üzrə Dövlət Proqramı
çərçivəsində "Elektron məktəb" sisteminin Gəncədə
tətbiqi müsbət nəticələr verir. Gəncə şəhərindəki 27
nömrəli tam orta məktəbin direktoru Rahilə Hüseynovadan
aldığımız məlumatda bildirilir ki, təhsil müəssisəsində
reallaşan bu sistemin tətbiqi həm müəllimləri, həm də
valideynləri razı salır.
Bu sistem müəllimlərlə yanaşı, şagirdlərin də
məsuliyyətini artırmışdır. Belə ki, artıq valideynlər
övladlarının məktəbə davamiyyəti, tədris prosesi,
keçilən dərslərin keyfiyyəti və sair məsələlər barədə
İnternet vasitəsilə məlumat toplamaq imkanı əldə edə
bilərlər. Bunun üçün bütün sinif otaqları kompüter və
noutbuklarla, eləcə də digər avadanlıqlarla təmin
olunub.
Şakir CƏFƏROV |
