|
 BSU
Məktəb-Lisey Kompleksində artıq çoxdandır ki, fənn
həftələrinin keçirilməsi ənənə şəklini almışdır. 21
fevral - Beynəlxalq Ana Dili Günü kompleksdə xüsusi
canlanma var idi: Azərbaycan dili və ədəbiyyat fənn
həftəsi daxilində Ana dili Gününə həsr olunmuş tədbir
keçirilirdi. Məktəbin direktoru, professor Telman
Cəfərov tədbiri açaraq Azərbaycan dilinin qədimliyi və
zənginliyi haqqında məlumat verdi. Azərbaycan dili və
ədəbiyyat kafedrasının müdiri, dosent Akif Məmmədov Ana
Dili Gününün yaranması tarixi haqqında danışdı. Sonra
söz Kompleksin şagirdlərinə verildi. Onlar ana dili
haqqında şeirlər səsləndirdilər. B.Vahabzadənin,
T.Bayramın və b. şeirləri, Azərbaycan dilinə aid poetik
nümunələr, ana dilini vəsf edən musiqi nömrələri
tamaşaçıların - şagirdlərin, müəllim və valideynlərin
ruhunu oxşadı. |
