|
 Naxçıvan
MR Ali Məclisinin Sərəncamı ilə 2013-cü il Naxçıvan
Muxtar Respublikasında "Heydər Əliyev ili" elan
olunmuşdur. Eyni zamanda 2013-cü ilin may ayında ulu
öndərimizin 90 illik yubileyi qeyd ediləcəkdir. Bu
məqsədlə Naxçıvan Müəllimlər İnstitutunda silsilə
tədbirlərin keçirilməsi planlaşdırılmışdır.
Martın 5-də Naxçıvan Müəllimlər İnstitutunda "Heydər
Əliyev və Naxçıvan" mövzusunda Heydər Əliyev
lektoriyasının növbəti məşğələsi keçirildi.
Giriş sözü ilə çıxış edən Naxçıvan Müəllimlər
İnstitutunun rektoru, professor Oruc Həsənli bildirdi
ki, tarixdə şəxsiyyət mühüm rola malikdir. Görkəmli
şəxsiyyəti olmayan xalq, məmləkət, region inkişaf edə
bilməz. Şəxsiyyətlərin və dövlət xadimlərinin cəmiyyətdə
qoyduğu iz, keçdiyi və yaşadığı şərəfli ömür yolu yeni
nəsillər üçün örnəkdir, nümunədir. Belə şəxsiyyətlərdən
biri də ümummilli liderimiz Heydər Əliyevdir. O,
Naxçıvanın və naxçıvanlıların 90-cı illərdəki həyatında
sarsılmaz iradə nümayiş etdirmiş, o cümlədən doğma
Azərbaycanımızın bütövlüyünün qorunub saxlanılmasında və
inkişaf etdirilməsində böyük şəxsiyyət kimi mühüm rol
oynamışdır.
Bildirildi ki, 1990-1993-cü illərdə ümummilli lider
Heydər Əliyev Naxçıvanı mənfur düşməndən qorumaq üçün
taleyüklü qərarlar qəbul edərək İran və Türkiyə
respublikaları ilə danışıqlar apararaq insanları aclıq
məngənəsindən qurtardı, bölgənin bügünkü yaşamını və
inkişafını təmin etdi.
Bu gün Naxçıvan bölgəsi iqtisadi və quruculuq sahəsində
Azərbaycanın öndə gedən bölgələrindən biridir.
İnstitutun riyaziyyatın tədrisi metodikası kafedrasının
müdiri, pedaqogika üzrə fəlsəfə doktoru Rövşən Vəliyev
"Heydər Əliyevin Naxçıvandakı fəaliyyəti" mövzusunda
məruzə etmişdir. O, bildirmişdir ki, ulu öndər Heydər
Əliyevin 1990-1993-cü illərdə Naxçıvandakı siyasi
fəaliyyəti, Naxçıvan Muxtar Respublikası Ali Məclisinin
sədri kimi xalqın taleyüklü məsələlərini böyük cəsarətlə
həll etməsi, insanları aclıq məngənəsindən qurtarmaq
üçün gördüyü tədbirlər, "Ümid" körpüsünün açılması ilə
Naxçıvanı blokadadan qurtarması xalqda ona qarşı böyük
inam və ümidləri daha da artırmışdır. O dövrün
keşməkeşli illərində "Qars" müqaviləsini gündəmə
gətirərək bir daha Naxçıvanın əzəli Azərbaycan
torpaqları olduğunu dünya dövlətlərinə bəyan etdi.
Naxçıvan Müəllimlər İnstitutunun YAP müəssisədənkənar
ilk təşkilatının sədri, kurikulum mərkəzinin metodisti
Tamara Baxşəliyeva "Naxçıvanın inkişafında Heydər
Əliyevin rolu" mövzusundakı çıxışında Naxçıvanın blokada
şəraitindəki iqtisadi inkişafından, ulu öndərin siyasi
kursunun uğurla davam etdirilməsindən ətraflı bəhs etdi.
İnstitutun 30 nəfər tələbəsinə YAP-ın üzvlük bileti
təqdim olundu.
Professor Oruc Həsənli lektoriyaya yekun vurdu.
Naxçıvan Müəllimlər
İnstitutunun Mətbuat xidməti |
