Javascript DHTML Drop Down Menu Powered by dhtml-menu-builder.com

ARXİV

15 mart 2013 - №10

 

Azərbaycan Müəllimlər İnstitutunda bayram tədbiri

 

Martın 14-də Azərbaycan Müəllimlər İnstitutunda (AMİ) Novruz bayramı münasibətilə AMİ Tələbə Gənclər Təşkilatı və Nərimanov rayonu Gənclər və İdman İdarəsi ilə birgə bayram tədbiri keçirildi.  

İlk növbədə, Azərbaycan Müəllimlər İnstitutunun rektoru, Milli Məclisin deputatı, professor Aqiyə Naxçıvanlıya və Nərimanov rayonu Gənclər və İdman İdarəsinin rəisi Nəcəf Novruzova tədbirin təşkilinə görə təşəkkür bildirildi.

 Tədbirdə vurğulandı ki, Novruz milli bayramımız olaraq uzun əsrlərdən bəri yurdumuzun hər yerində mərasimlərlə qeyd olunur. Məlumdur ki, sovet dövründə Novruz bayramı qeyri-rəsmi qeyd olunurdu. Ancaq bütün bunlara baxmayaraq, əsrlərdən qalmış ənənələrə sadiq olaraq, hər bir azərbaycanlı ailəsi bu bayramı keçirirdi.

Bildirildi ki, ümummilli lider Heydər Əliyev hər il Novruz bayramını xalqla qeyd edib, şəhərin mərkəzində təşkil olunmuş şənliklərdə iştirak edərək onlara xoş arzularını bildirib. Ulu öndərimizin siyasi kursunun layiqli davamçısı Prezident cənab İlham Əliyev və ölkənin birinci xanımı, Heydər Əliyev Fondunun prezidenti Mehriban Əliyeva bu ənənəni davam etdirir, bu gözəl bayramı hər il xalqla birgə qeyd edirlər.

Bayram tədbirində qeyd edildi ki, ölkəmiz sürətlə inkişaf edir, müasirləşir. Eyni zamanda, qədim ənənələrimiz geniş təbliğ edilir, onların nəsildən-nəslə keçməsi, ötürülməsi üçün işlər aparılır. Bu baxımdan Prezident cənab İlham Əliyevin uğurlu daxili və xarici siyasəti ölkəmizin maddi nemətləri ilə yanaşı, mədəni-mənəvi dəyərlərimizin də dünyada təbliğ olunmasına geniş şərait yaradır. 

Tədbir boyunca tapmaca, yanıltmac, yumurta döyüşdürməsi, şəkərbura bəzədilməsi müsabiqələri keçirildi. Qalib gələn tələbələrə müxtəlif hədiyyələr verildi.

Tədbirdə institutun Tələbə Gənclər Təşkilatının fəal üzvlərinin institutda papaq atmasını özündə əks etdirən videoyazı izlənildi. Tədbirdə həmçinin Azərbaycan Müəllimlər İnstitutunun ölkəmizin müxtəlif regionlarında fəaliyyət göstərən filiallarının aktiv tələbə gənclərinin bayram təbriklərindən ibarət videoyazıları da iştirakçılara nümayiş olundu.

İnstitutda tələbələrin təhsil aldığı 5 ixtisas üzrə hazırlanmış xonçalar arasında müsabiqə keçirildi və  müsabiqənin qalibi təltif olundu. Xonçaların hər biri orijinallığı, milliliyi və özünəməxsus yaradıcı yanaşma ilə fərqlənirdi.

Qeyd edək ki, bəzədilmiş xonçalar tədbirdən sonra institutun bir qrup müəllim heyəti və tələbə gənclərin iştirakı ilə Kor və zəif görənlər üçün internat məktəbinə aparıldı.

Tədbirdə Uşaq Yaradıcılıq Mərkəzinin rəqs qrupu tərəfindən müxtəlif rəqslər ifa olundu, populyar gənc müğənnilər mahnılar ifa etdilər. Tədbir iştirakçılar tərəfindən böyük maraqla qarşılandı. 

AMİ-nin Mətbuat xidməti

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov