Javascript DHTML Drop Down Menu Powered by dhtml-menu-builder.com

ARXİV

15 mart 2013 - №10

 

O, şagirdlərin hər birinə fərdi yanaşmağa xüsusi diqqət yetirir

 

 Cəmilə Abasquliyeva 1989-cu ildə Bakıdakı 44 nömrəli tam orta  məktəbi bitirdikdən sonra Azərbaycan Dövlət Pedaqoji Universitetinin ibtidai metodika əlavə musiqi  fakültəsinə  qəbul olub. 1994-cü ildə  ali məktəbi fərqlənmə diplomu ilə bitirərək ilk  əmək fəaliyyətinə 60 nömrəli tam orta məktəbdə başlayıb. Hazırda həmin   məktəbdə ibtidai  sinif müəllimi  işləyir. O,  pedaqoji fəaliyyəti  elmi-metodik yaradıcılıqla ustalıqla əlaqələndirən,  öz   işinə  məsuliyyətlə  yanaşan yaradıcı müəllimlərdəndir. 

Cəmilə Abasquliyeva həmişə dərs dediyi  şagirdlərə tədris etdiyi fənləri  dərindən öyrətmək üçün tədris prosesində ən müasir təlim metodlarından istifadə edir. Dərs zamanı interaktiv təlim metodlarını tətbiq etməklə tədris prosesini  maraqlı qurur.

O, şagirdlərin müasir həyata düzgün hazırlanması işinin öhdəsindən  bacarıqla gəlir. Onların  təlim-tərbiyəsi ilə əlaqədar olan problemli məsələlərin həllində valideynlərin əməyindən  düzgün istifadə edə bilir.

Həmçinin şagirdlərin hər birinə  fərdi yanaşmağa xüsusi diqqət  yetirir və  çalışır ki, dərs prosesində sorğudan yayınan heç bir şagird olmasın.

Cəmilə Abasquliyeva  onu da bildirdi ki, işlədiyi məktəb elektron - pilot məktəbdir, 2012-ci ildə "Ən yaxşı ümumi təhsil məktəbi" müsabiqəsinin  qalibi olmuşdur ki, bu uğurların qazanılmasında onun da əməyi az olmamışdır.

Bu gün  müəllimliyi həyatının mənası  hesab edən Cəmilə Abasquliyeva şagirdlərlə işləməkdən qətiyyən yorulmur və ən əsası çətin tərbiyə olunan uşaqlarla daha tez dil tapmağı bacarır. Deyir ki, hər bir  müəllim şagirdin öyrənməsi üçün bütün imkanlarından istifadə və  həyatını dərs dediyi şagirdlərin təlim-tərbiyəsinə həsr etməlidir.  

Məlum oldu ki, Cəmilə Abasquliyevanı   vaxtı ilə  dərs dediyi şagirdləri də heç vaxt unutmurlar və onlar   tutduğu vəzifədən asılı olmayaraq, öz müəllimlərini   böyük məhəbbətlə, minnətdarlıq hissi ilə  xatırlayırlar.

Söhbət zamanı  məktəbin direktoru Həqiqət Qarayeva bildirdi ki, Cəmilə  müəllimi başqalarından fərqləndirən ən gözəl  cəhətlərdən biri onun müəllim kimi özünə qarşı ciddi və  şagirdlərinin biliyinin   qiymətləndirilməsində isə   xüsusi tələbkar olmasıdır. Çalışır ki, bu baxımdan şagirdlərinin hüququ və mənəviyyatı əsas tutulsun,  pozulmasın.

Təcrübəli pedaqoq Cəmilə Abasquliyeva  buna görə də  hər yerdə öz yetirmələri ilə  həmişə fəxr  edir və şərəfli müəllimlik işini uğurla davam etdirir. Bilir ki, gənc nəsli həyata hazırlamaq həm məsuliyyətli, həm də  şərəflidir.   

Şakir CƏFƏROV,
Azərbaycan Jurnalistlər Birliyinin üzvü

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov