Javascript DHTML Drop Down Menu Powered by dhtml-menu-builder.com

ARXİV

29 Mart 2013 - №11

 

Fransanın təhsil naziri İNALCO-da Azərbaycan dili dərsində iştirak edib

 

Parisdə Fransanın Dövlət Şərq Dilləri və Mədəniyyətləri İnstitutunun (İNALCO) yeni binasının rəsmi açılışı olmuşdur.

AzərTAc xəbər verir ki, açılışda Fransanın təhsil naziri Jönövyev Fyorazo, Parisin meri və Paris regionunun prezidenti iştirak etmişlər.  Jönövyev Fyorazonun gəlişi zamanı İNALCO-da dərslər dayandırılmış və nazirə multimedialardan istifadə edən dərs nümunəsi kimi yalnız bir dərs təqdim edilmişdir. İNALCO-nun prezidenti Jak Leqranın təklifi ilə Azərbaycan dili dərsi nümunə seçilmişdir.  Fransanın Dövlət Şərq Dilləri və Mədəniyyətləri İnstitutunun müəllimi Aygün Eyyubova tərəfindən keçilən bu dərsdə nazir Jönövyev Fyorazo, İNALCO-nun prezidenti Jak Leqran və digər rəsmi qonaqlar iştirak etmişlər.

Azərbaycan mədəniyyətinə həsr edilmiş bu dərsdə A.Eyyubova Azərbaycan musiqisinin müxtəlif janrlarından bəhs etmiş, onların hər birindən videonümunələr, o cümlədən "Qarabağ şikəstəsi"ni səsləndirmişdir. Dərsdə multimedia vasitələrindən geniş istifadə nazirin diqqətini xüsusilə cəlb etmişdir. Nazir Azərbaycan dilinin və mədəniyyətinin tədrisinə maraq göstərmiş, müəllimin tədrisdə yeni informatika texnologiyalarından geniş istifadə etməsini yüksək qiymətləndirmişdir.

Martın 5-də İNALCO-da Azərbaycan dili tədrisinin 14 ili tamam olmuşdur. Heydər Əliyev Fondunun və Azərbaycanın Fransadakı səfirliyinin dəstəyi sayəsində İNALCO-da Azərbaycan dili və mədəniyyəti tədrisi son illərdə xeyli genişlənmiş, Azərbaycan dilinin öz diplomları təsis edilmişdir.

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov