Javascript DHTML Drop Down Menu Powered by dhtml-menu-builder.com

ARXİV

29 Mart 2013 - №11

 

NDU-da fəaliyyət göstərən Heydər Əliyev Universitetinin növbəti məşğələsi

 

Naxçıvan Dövlət Universiteti nəzdində fəaliyyət göstərən Heydər Əliyev Universitetinin 167-ci məşğələsi keçirildi.

"Heydər Əliyev dövlətçilik məktəbinin sosial-siyasi və ideoloji əsasları" mövzusunda keçirilən məşğələni giriş sözü ilə universitetin rektoru, akademik İsa Həbibbəyli açaraq dünya şöhrətli  siyasi xadim Heydər Əliyevin Azərbaycanın milli müstəqilliyinin qorunmasında, dinamik inkişafında, dünyada Azərbaycan imicinin və diasporunun formalaşmasındakı misilsiz xidmətlərindən bəhs etdi. Qeyd olundu ki, məhz ümummilli lider Heydər Əliyevin uzaqgörən siyasəti sayəsində azərbaycançılıq məfkurəsi müstəqil dövlətimizin ümummilli ideologiyasına çevrilmişdir. Bu gün bu müdrik siyasətin layiqincə davam etdirilməsi  nəticəsində Azərbaycan güclü və qüdrətli  dövlət kimi inkişaf etməkdədir. Rektor, ümummilli liderin anadan olmasının 90 illiyi, 2013-cü ilin Naxçıvan Muxtar Respublikasında "Heydər Əliyev ili" elan olunması ilə bağlı qarşıda duran vəzifələrdən danışdı.

Tərbiyə işləri üzrə prorektor, fəlsəfə elmləri doktoru, professor Məmməd Rzayev mövzu ilə bağlı ətraflı məruzə edərək ulu öndər Heydər Əliyevin gələcək müstəqil Azərbaycanın sosial-siyasi və ideoloji əsaslarını, prinsiplərini hələ totalitar sovet rejimi dövründə işləyib hazırladığını xatırlatdı. Vurğulandı ki, ümummilli lider siyasi hakimiyyətə yenidən qayıtdıqdan sonra müstəqil Azərbaycanın daxili və xarici siyasətini, dövlətlərarası münasibətlərini, sosial-iqtisadi, hərbi inkişaf strategiyasını müəyyənləşdirmiş, Azərbaycanın ərazi bütövlüyünün qorunması, elmin, təhsilin tərəqqisi, milli mənəvi dəyərlərimizin - dilimizin, dinimizin, tariximizin, mədəniyyətimizin yaşadılması və inkişaf etdirilməsində misilsiz rol oynamışdır.

Qeyd olundu ki, XX əsrin sonlarında Azərbaycanın dövlət müstəqilliyinin qorunması, milli dirçəliş və tərəqqi, ölkədə siyasi sabitliyin, milli birliyin yaranması məhz ulu öndərin adı ilə bağlıdır. Bu dahi şəxsiyyətin həyat və fəaliyyəti, siyasi irsi, azərbaycançılıq ideologiyası, milli məfkurəyə sədaqəti hər bir vətənpərvər gənc  üçün böyük məktəb olmalıdır.

Məşğələnin sonunda YAP sıralarına qəbul edilmiş tələbələrə üzvlük vəsiqələri təqdim olundu.           

Mehriban SULTAN,
NDU-nun Mətbuat şöbəsinin müdiri

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov