|
Lənkəran Dövlət Universitetinin rektoru, fizika-riyaziyyat
elmləri doktoru, əməkdar elm xadimi, professor Asəf
İsgəndərovla valideynlərin görüşü keçirilib.
Görüşdə valideynlərlə əlaqəni genişləndirmək, gənc
nəslin təlim-tərbiyəsində valideyn işini səmərəli təşkil
etmək, tələbə-gənclərin təhsilinə ictimai diqqəti daha
da artırmaq yollarından söhbət gedib.
Professor Asəf İsgəndərov yeni texnologiyaya əsaslanan
təhsil sisteminin üstünlüklərindən, kredit sisteminə
keçidlə əlaqədar ali məktəbdə görülən işlərdən,
qazanılmış uğurlardan, valideyn şurasının qarşısında
duran vəzifələrdən danışıb. Qeyd edilib ki, müstəqil
respublikamızın yetirməsi olan Lənkəran Dövlət
Universiteti bu gün Azərbaycanın qabaqcıl ali məktəbləri
sırasında layiqli yer tutur. Fəaliyyət göstərdiyi gündən
universiteti 5 mindən çox gənc bitirmişdir ki, onlar
ölkə həyatının müxtəlif sahələrində işləyirlər. Hazırda
universitetdə 4 fakültə, 11 kafedra fəaliyyət göstərir.
Tələbələrin sayı 2 minə çatır. Onların 500-ə yaxını
birinci kurs tələbəsidir, 31 nəfər magistrantdır.
Həmçinin qeyd edilib ki, son illərdə LDU-nun tədris
korpusları əsaslı təmir edilmiş, abadlıq və yenidənqurma
işləri aparılmışdır. İnformatika laboratoriyaları müasir
tələblərə uyğun qurulmuş, yeni laboratoriyalar və
tələbələrin tədris-təcrübə sahəsi istifadəyə verilmiş,
universitetin maddi-texniki bazası gücləndirilmişdir.
Geniş auditoriyalar, zəngin laboratoriyalar, elmi
kitabxana, böyük idman zalı və s. tələbələrin ixtiyarına
verilmişdir. Universitetdə Heydər Əliyev muzeyi və
İdarəçilik Məktəbi fəaliyyət göstərir.
Universitet valideynlər şurasının sədri Sərhad Məmmədov,
valideynlərdən Yusif Babayev, Təranə Əhədova, Ağababa
Novruzov və başqaları təhsilə ictimai diqqəti artırmaq
istiqamətində həyata keçirilən tədbirlərdən,
valideynlərin universitetin həyatında iştirakından,
onların fəallığının artırılması sahəsində görülən
işlərdən söz açıblar.
Tədbirdə iştirak edən valideynlər respublikamızın 21
rayonunu təmsil edirdilər.
Hacı Etibar ƏHƏDOV,
LDU-nun Mətbuat və informasiya xidmətinin rəhbəri
|
