|
 Azərbaycan
Dillər Universitetinin rektoru, Milli Məclisin deputatı,
professor Səməd Seyidovun "Yaradıcılığın
fenomenologiyası: tarix, paradokslar, şəxsiyyət"
(Phenomenology of Creativity: History, Paradoxes,
Personality) adlı kitabı ABŞ-da və Böyük Britaniyada
ingilis dilində nəşr olunub və məşhur amazon.com
saytında yayımlanıb. Məşhur və nüfuzlu amazon.com
saytında professor Səməd Seyidovun müəllifi olduğu
kitabın yayımlanması bir azərbaycanlı alimin uğurudur.
Xatırladaq ki, 2011-ci ildə kitab Azərbaycan dilində də
nəşr olunmuşdu. Kitab ilk dəfə 2009-cu ildə rus
dilində işıq üzü görüb. Kitabın rəyçiləri Rusiya
Elmlər Akademiyasının müxbir üzvü, fəlsəfə elmləri
doktoru, professor A.B.Dmitriyev və psixologiya elmləri
doktoru, professor Q.İ.Yefremovadır.
Qeyd edək ki, professor Səməd Seyidov Gürcüstan Təhsil
Elmləri Akademiyasının fəxri akademiki, Latviya Elmlər
Akademiyasının Beynəlxalq Alimlər Şurasının və ABŞ
Psixoloqlar Assosiasiyasının üzvüdür. O, Azərbaycan və
Fransa arasında humanitar və elmi əlaqələrin inkişafında
töhfələrinə görə 2011-ci ildə Fransanın Fəxri Legion
Ordeni ilə təltif edilib.
Professor S.Seyidov yerli və beynəlxalq nəşriyyatlarda
çap edilmiş 100-dən çox elmi məqalələrin, dərsliklərin
və monoqrafiyaların müəllifidir.
ADU-nun Mətbuat xidməti |
