Şimali Kiprin Doğu Akdeniz Universitetində təhsil alan
azərbaycanlı gənclər "Şərəf" və "Yüksək şərəf"
təqaüdləri ilə mükafatlandırılmışlar. Təltif olunan
tələbələrin 43-ü azərbaycanlıdır.
Mükafata layiq görülən azərbaycanlı tələbə Cəfər Mənsimi
AzərTAc-a bildirmişdir ki, təhsil ocağının rektor
müavini Osman Yılmaz tələbələri təbrik etmiş, onlara
uğurlar arzulamışdır.
Cəfər Mənsimi demişdir ki, biz azərbaycanlı tələbələrin
xaricdə təhsil alması üçün yaradılmış bütün imkanlara
görə Prezident İlham Əliyevə təşəkkür edirik. "Əminəm
ki, bütün tələbələrimiz bu etimadı doğruldaraq peşəkar
kadrlar kimi Azərbaycana geri dönəcəyik".
Doğu Akdeniz Universitetində hazırda 14 min, o cümlədən
490 azərbaycanlı tələbə təhsil alır. Azərbaycanlı
tələbələr təhsillərində müvəffəqiyyətləri və fəallıqları
ilə seçilirlər. Universitet rəhbərliyinin qərarı ilə
azərbaycanlı tələbələr təhsil haqqının yarısından
azaddırlar. |