Javascript DHTML Drop Down Menu Powered by dhtml-menu-builder.com

ARXİV

17 May 2013 - №18

 

BDU-nun rektoru İtaliyanın Sapienza Roma Universiteti nümayəndə heyəti ilə görüşmüşdür

 

Bakı Dövlət Universitetinin rektoru, akademik Abel Məhərrəmov İtaliyanın Sapienza Roma Universitetinin nümayəndə heyəti ilə görüşmüşdür. Fizioterapik İnstitutun baş direktoru, professor Aldo Morronenin başçılıq etdiyi nümayəndə heyətinin tərkibində Sapienza Universiteti Hospitalının Tibbi Genetika Laboratoriyasının müdiri, professor Paolo Grammatica, Mendel İnstitutunun (Roma) Molekulyar Genetik Diaqnostik laboratoriyanın rəhbəri,  professor İsabella Torrente, düzgün olmayan cinsi inkişafın genetik səbəblərinin araşdırılması üzrə mütəxəssis, professor Antonio Marocco, tibbi genetika üzrə mütəxəssis, laboratoriya ləvazimatları və test materialları üzrə İtaliya təmsilçisi doktor Ashgar Ebrahimi təmsil olunmuşlar.

Qeyd edək ki, qonaqların səfərinin məqsədi TEMPUS layihəsi çərçivəsində molekulyar genetika üzrə tədqiqat laboratoriyasının açılması ilə əlaqədar danışıqların aparılmasıdır. Bu laboratoriya indiyə qədər Azərbaycanda həyata keçirilməyən tədqiqatların aparılması üçün nəzərdə tutulur.

İtaliya elm və təhsil müəssisələri ilə əlaqələri inkişaf etdirməyə hazır olduğunu qeyd edən rektor Abel Məhərrəmov qonaqlara BDU-nun yaradılması tarixi, inkişaf mərhələləri və universitetin beynəlxalq əlaqələri barədə məlumat vermişdir.

Qonaqlar universitetin tədris və elmi-tədqiqat laboratoriyaları, Elektron Tədris Mərkəzində olmuşlar. 

BDU-nun Mətbuat və informasiya şöbəsi

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov