|
Artıq bir neçə ildir ki, Azərbaycan Müəllimlər
İnstitutunun Sumqayıt filialı Sumqayıt və onun
dislokasiyasına daxil olan Ş(R)TŞ-nin IV-VIII sinif
şagirdləri arasında riyaziyyat olimpiadası keçirir.
Olimpiadanın yüksək səviyyədə təşkili, ona ildən-ilə
marağın artması mötəbər bir bilik yarışması kimi
tanınmasına səbəb olmuşdur.
Bu olimpiada artıq ənənə halını almışdır. Doqquzuncu
dəfə keçirilən olimpiada ümummilli lider Heydər Əliyevin
anadan olmasının 90 illik yubileyinə həsr edilmişdir.
Sumqayıt ŞTŞ-nin IV-VIII sinif şagirdləri (onların sayı
388 nəfər idi) arasında keçirilən olimpiada
əvvəlkilərdən daha fərqli olmuşdur. Yəni, hər il
qaliblərin sayı artır, nəticə yüksək olur.
Builki olimpiadada IV siniflər üzrə I yeri 13 nəfər, II
yeri 14 nəfər, III yeri 14 nəfər, IV yeri 25 nəfər, V
siniflər üzrə I yeri 9 nəfər, II yeri 11 nəfər, III yeri
9 nəfər, IV yeri 3 nəfər, VI siniflər üzrə I yeri 3
nəfər, II yeri 2 nəfər, III yeri 10 nəfər, VII siniflər
üzrə I yeri 3 nəfər, II yeri 6 nəfər, III yeri 1 nəfər,
IV yeri 2 nəfər, VIII siniflər üzrə III yeri 2 nəfər, IV
yeri 3 nəfər tutmuşdur.
Olimpiada başa çatdıqdan sonra qalibləri fəxri
fərmanlarla mükafatlandırılmışlar.
Olimpiadanın keçirilməsinə filialın direktoru, professor
Raya Nəcəfovanın çox böyük köməyi dəymişdir.
Bu olimpiadanı keçirməyə dəstək verdiyi üçün Azərbaycan
Müəllimlər İnstitutunun rektoru, Milli Məclisin
deputatı, professor Aqiyə Naxçıvanlıya minnətdarlığımızı
bildiririk.
M.AĞAYAROV,
olimpiadanın münsiflər heyətinin sədri,
AMİ-nin Sumqayıt filialının
əlavə
təhsil üzrə direktor müavini |
