|
Mayın 14-də Azərbaycan Müəllimlər İnstitutunda (AMİ) XX
əsr Azərbaycan ədəbiyyatının görkəmli nümayəndələrindən
biri, tanınmış yazıçı, dramaturq, ssenarist və
tərcüməçi Ənvər Məmmədxanlının 100 illik yubileyi ilə
əlaqədar tədbir keçirilmişdir. Tədbiri giriş sözü ilə
institutun rektoru, Milli Məclisin deputatı, professor
Aqiyə Naxçıvanlı açaraq qeyd etmişdir ki, Azərbaycanın
milli və dünya ədəbiyyatı tarixində iz qoymuş tanınmış
şair və yazıçılarının yubileylərinin geniş şəkildə
keçirilməsi ölkə başçısının daim diqqət mərkəzindədir.
Xalq yazıçısı Ənvər Məmmədxanlının 100 illik yubileyinin
keçirilməsi haqqında Azərbaycan Respublikasının
Prezidenti cənab İlham Əliyevin sərəncamı
ədəbiyyatımıza, xalqımızın milli mənəvi dəyərlərinə
dövlət qayğısının göstəricisidir. Ə.Məmmədxanlı
Azərbaycan ədəbiyyatında özünü novator yazıçı kimi
təsdiqləmiş və ilk hekayələrindən başlamış,
yaradıcılığının sonuna qədər Azərbaycan xalqı tərəfindən
sevilmişdir. Yazıçının yaradıcılığında obraz, mövzu,
ideya çox maraqlı və mənalıdır. Ə.Məmmədxanlının
yaratdığı bədii nəsr, dram əsərləri, ssenariləri bu gün
də aktuallığı ilə diqqəti cəlb edir.
Sonra Azərbaycan ədəbiyyatı və onun tədrisi kafedrasının
dosenti İsgəndər Orucəliyev "Ənvər Məmmədxanlı
dramaturgiyası", dosent Bilal Həsənli "Ə.Məmmədxanlı
məktəb tədrisində", dosent Nazilə Abdullazadə isə
"Ə.Məmmədxanlı hekayələrində bədii portret" mövzularında
geniş məruzə ilə çıxış etmişlər.
AMİ-nin Mətbuat xidməti |
