Sumqayıt
şəhərində şəhər rəhbərliyinin tövsiyəsi ilə
məktəblilərin hərbi paradı keçirilmişdir. Bu artıq
ənənəvi şəkil almış, şagirdlərin milli mənəvi
dəyərlərimizin qorunması və gənclərin
hərbi-vətənpərvərlik ruhunda tərbiyə olunması işində,
həmçinin də fiziki cəhətdən sağlam böyümələrində
müstəsna əhəmiyyət kəsb edir.
Bu məqsədlə hər il şəhərin tam orta məktəblərində ciddi
hazırlıq işləri aparılmaqla məktəblilərin hərbi
paradları təşkil olunur.
Bu tədbirlərin yekunu olaraq ulu öndərin abidəsi önündə
təşkil olunmuş Sumqayıt məktəblilərinin növbəti
paradında şəhərin ayrı-ayrı məktəblərini təmsil edən 3
mindən çox şagird iştirak etmişdir. Paradı şəhər
rəhbərliyi başda olmaqla şəhərin 10 minlərlə sakini
izləmişdir.
Paradda iştirak edən məktəblilər ulu öndər Heydər
Əliyevin əzəmətli abidəsi önündən keçərək şəhərin
küçələri boyunca müxtəlif istiqamətlərdə hərəkət
etmişlər ki, bu da sakinlərdə, ictimaiyyətdə böyük ruh
yüksəkliyi yaratmış, gənclərimizin hərbi-vətənpərvərlik
ruhunu daha da artırmışdır.
Sumqayıt Şəhər Təhsil Şöbəsinin Mətbuat xidməti |