|
Moskva Dövlət Beynəlxalq Münasibətlər İnstitutunda
(MDBMİ) "Heydər Əliyev və dünya siyasəti" mövzusunda
"dəyirmi masa" keçirilmişdir.
AzərTAc xəbər verir ki, MDBMİ-nin Azərbaycan Klubunun
tələbələri tərəfindən təşkil olunmuş tədbirdə məruzələr
dinlənilmişdir. "Dəyirmi masa"nın iştirakçıları
vurğulamışlar ki, ulu öndərin genişmiqyaslı fəaliyyəti
və onun müstəqil müasir Azərbaycan dövlətinin qurulması
istiqamətindəki xidmətləri əvəzsizdir. Hər bir
azərbaycanlı qürur hissi ilə dahi şəxsiyyət Heydər
Əliyevi təkcə keçmiş prezident deyil, həm də ümummilli
lider hesab edir. Ölkəni münaqişələr və ziddiyyətlər,
total iqtisadi və siyasi böhran bürüdüyü bir zamanda
yenidən hakimiyyətə qayıdan Azərbaycan xalqının
ümummilli lideri respublikanı yüksək inkişaf səviyyəsinə
çıxara bildi.
Tarix elmləri namizədi, MDBMİ-nin Azərbaycan Klubunun
fəxri sədri Natiq Əliyev Rusiyadakı Azərbaycan
gənclərinin nümayəndələrindən ibarət "Azərbaycan
Prezidenti İlham Əliyevə dəstək" təşəbbüs qrupunun
yaradıldığını elan etmişdir. Bu qrup artıq Azərbaycanda
yaradılmış və Facebook sosial şəbəkəsində rəsmi səhifəsi
olan "Prezidentə dəstək" təşəbbüs qrupuna qoşulmuşdur.
N.Əliyev demişdir ki, Prezidentə dəstək qrupunun ilk
tədbiri "I support my President" (Mən prezidentimi
dəstəkləyirəm) şüarı altında velosiped yürüşü olacaqdır. |
