Javascript DHTML Drop Down Menu Powered by dhtml-menu-builder.com

ARXİV

24 May 2013 - №19

 

"Gənclərin psixoloji sağlamlığının keşiyində" layihəsinə start verilmişdir

 

"Azərbaycan Gənclərinin Hüquqlarının Müdafiəsi Mərkəzi" İctimai Birliyi Azərbaycan Respublikasının Prezidenti yanında Gənclər Fondunun dəstəyi ilə "Gənclərin psixoloji sağlamlığının keşiyində" layihəsinin icrasına başlamışdır. Layihənin əsas məqsədi orta məktəblərdə psixoloqların rolunun artırılması və məktəblilərin psixoloji sağlamlıqlarının qorunmasıdır.

Müasir dövrdə inkişaf etmiş ölkələrin məktəblərində psixoloji xidmətlərin çox böyük rolu vardır. Beynəlxalq təcrübədə məktəblilər arasında səmərəli əməkdaşlığın qurulmasında, onların problemlərinin müəyyən olunmasında, müxtəlif çətinliklərlə üzləşən gənclərin stresdən qorunmasında və təhsilə cəlb edilməsində psixoloqların rolu əvəzsizdir. "Azərbaycan Gənclərinin Hüquqlarının Müdafiəsi Mərkəzi" İctimai Birliyi də bu sahəyə öz dəstəyini vermək üçün məhz belə bir layihəyə start vermişdir.

"Gənclərin psixoloji sağlamlığının keşiyində" layihəsinin əsas istiqaməti məktəb psixoloqlarının bacarıqlarının artırılmasıdır. Layihə çərçivəsində yaxın günlərdə Bakı şəhərinin 40-a yaxın məktəbinin psixoloqları üçün xüsusi təlim kurslarının təşkil ediləcəyi planlaşdırılmışdır. Təlim kurslarında psixo-diaqnostika, psixo-korreksiya, stres, aqressiyanın yaranma səbəbləri, onların aradan qaldırılması yolları, psixoloji terapiya növləri və s. bu kimi mövzuların müzakirə edilməsi nəzərdə tutulmuşdur. İnteraktiv metodla, qarşılıqlı müzakirələr, qrup oyunları, beyin həmlələri formatında qurulacaq təlimlər peşəkar psixoloqlar tərəfindən aparılacaq.

Onu da qeyd edək ki, təlimlərin məqsədi yalnız məktəb psixoloqlarının bilik və bacarıqlarının artırılması deyil, həm də onlar arasında ünsiyyətin qurulmasıdır. Bunun üçün layihə çərçivəsində "Məktəb Psixoloqu Şəbəkəsi"nin yaradılması planlaşdırılmışdır.

Təlimlərdən sonra bütün iştirakçılarla görüşün keçirilməsi, gələcəkdə təcrübə mübadiləsinin aparılması üçün xüsusi formatın hazırlanması və adıçəkilən şəbəkənin nizamnaməsinin qəbul olunması nəzərdə tutulmuşdur. 

Samirə KƏRİMOVA 

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov