Bu günlərdə Masallı Rayon Gənclər Mərkəzində gənc alim,
aspirant və magistrantlar üçün seminar keçirilmişdir.
Azərbaycan Respublikasının Prezidenti yanında Gənclər
Fondunun təşkilatçılığı ilə keçirilən tədbirin məqsədi
gənc alimlərin yeni ixtiralarının təbliğinə və gələcəkdə
tətbiq olunmasına mümkün şərait yaradacaq prinsipləri
formalaşdırmaq, onların fəaliyyətini stimullaşdırmaq,
səmərəli əməkdaşlıq mühitinin qurulmasına nail olmaq,
bir sözlə, elm tutumlu iqtisadiyyatın formalaşmasına
əlavə töhfələr verməkdir.
Seminarda Masallı Rayon Gənclər və İdman İdarəsinin
rəisi Camal Manafov çıxış edərək ölkəmizdə dövlət
gənclər siyasətinin icrası istiqamətində görülən
işlərdən, həyata keçirilən tədbirlərdən ətraflı bəhs
etmişdir. Gənc Alim, Aspirant və Magistrlər Cəmiyyətinin
sədri İlqar Orucov isə öz çıxışında respublikamızda
elmə, təhsilə göstərilən dövlət qayğısından danışmışdır.
Qeyd edilmişdir ki, bu qayğı alimlərimizin elmi
tədqiqatlarının respublikamızın hüdudlarından kənarda da
uğurlar qazanmasına səbəb olmuşdur. Azərbaycan
alimlərinin elmi tədqiqatları dünyanın bir çox ölkəsinin
elmi mərkəzlərində, simpozium və konfranslarda maraqla
qarşılanmışdır.
Tədbirdə çıxış edən alimlər ölkə başçısı cənab İlham
Əliyevin gənclərə, Azərbaycan elminə göstərdiyi diqqət
və qayğıdan söz açmışlar.
Samirə KƏRİMOVA |