Javascript DHTML Drop Down Menu Powered by dhtml-menu-builder.com

ARXİV

31 May 2013 - №20

 

1 iyun Uşaqların Beynəlxalq Müdafiəsi Günüdür

 

Ümumiyyətlə, uşaqları görəndə hər bir yaşlı insan, ata-ana, valideyn sevinir. Çünki uşaqlar bizim sevincimizdir, həyatımızın mənasıdır, uşaqlar bizim gələcəyimizdir. Uşaqlar həyatımızı şənləndirən, bəzəyən, gözəlləşdirən doğma övladlarımızdır. Hər bir insan üçün dünyada uşaqdan istəkli  bir şey ola bilməz. 

Heydər ƏLİYEV

Böyütmək üçün şəkili seçin Böyütmək üçün şəkili seçin

Uşaqlar bizim sabahımızdır

1950-ci il iyunun 1-də Birləşmiş Millətlər Təşkilatının (BMT) Baş Assambleyası tərəfindən təşkil olunan "Qadınların beynəlxalq konfransı"nda uşaq hüquqlarının təmin edilməsi ilə bağlı təkliflər səsləndirilmiş və elə həmin tədbirdə də 1 iyun tarixini uşaqların beynəlxalq müdafiəsinə həsr etmək qərara alınmışdır.

Ümummilli liderimiz uşaqları çox sevirdi, onlara həmişə böyük diqqət və qayğı göstərirdi. Bu ənənəni uğurla davam etdirən Azərbaycan Respublikasının Prezidenti İlham Əliyevin müvafiq tarixli sərəncamı ilə 2009-cu il Azərbaycanda "Uşaq ili" elan edilmişdi.

Heydər Əliyev Fondunun prezidenti, Milli Məclisin deputatı Mehriban xanım Əliyeva da Azərbaycanda uşaq hüquqlarının qorunmasına böyük diqqət göstərir, bu sahədə geniş işlər görür.

Uşaqlar dünyanın ən pak, ən məsum, ən qiymətli varlıqlarıdır. Müqəddəslərimiz  "Uşaq qoxusu cənnət qoxularındandır" demişlər. Filosoflar körpə qığıltısını ən təntənəli  simfoniya adlandırmışlar. Uşaqsız evi el içində susuz dəyirmana bənzətmişlər.

Övlad sahibi olmaq Tanrının insana ən böyük lütfüdü!

Ata qüruru,  ana fərəhi yaşamaq ölçüyə gəlməyəcək bir səadətdi!

Uşaqlar bizim sabahımızdır. Uşaqlar bəşəriyyətin gələcəyidir.

Uşaqları qorumaq, onları müdafiə etmək və  cəmiyyət üçün yararlı bir vətəndaş olaraq yetişdirmək hər kəs üçün bir vicdan borcuna çevrilməlidir.

Uşaqların qayğısına qalmaq hər bir cəmiyyətin borcudur. Yalnız bu borcu ləyaqətlə yerinə yetirməyi bacaran cəmiyyət öz sabahına ümidlə baxa bilər.

Körpə balam! Dünyanın ən qəddar qanunlarını yazan müharibələr belə sənin bu gözəl baxışlarının saflığına toz qondura bilməz. Sən hələ bilmirsən baxışlarının uzanıb getdiyi üfüqlərin o biri üzündə nələr olur, nələr olacaq...

Bəlkə də elə azad Vətən  sənin baxışlarının azadlığından, sənin gözlərindəki məsumluğun sehrindən başlanır?!

Eşit dualarımı, ey gözəl varlıq! Sənin Zamanının tarix kitabları qanla yox, su ilə yazılsın.

Sənin günəşinin üzünü qara buludlar örtməsin.

Beşiyin yurd yerlərimizdə yırğalansın, əsirlikdən çıxaracağımız bağ-bağatlarımızın yaşıl-yaşıl yarpaqlarının pıçıltısı laylan olsun.

Atalı-analı, bacılı-qardaşlı, elli-obalı böyüyəsən. Kaş dünya dediyimiz bu sirli aləm güllə səslərindən yox, sənin gülüşlərindən diksinsin. 

Ellada UMUDLU

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov