"Yaddaş" Maarifçi Gənclər İctimai Birliyi "Ətraf mühit
və təhlükəsizlik: ekoloji maarifləndirmə proqramı" adlı
layihənin icrasına start vermişdir. Azərbaycan
Respublikasının Prezidenti yanında Gənclər Fondunun
dəstəyi nəticəsində reallaşdırılan layihənin məqsədi
gənclərdə ətraf mühitə ziyan vurmadan təbii
ehtiyatlardan səmərəli istifadə ilə bağlı bilik və
bacarıqlar, davranış vərdişləri formalaşdırmaqdır.
Layihə çərçivəsində Balakən və Qəbələdə aktiv gənclər
üçün ətraf mühit və təhlükəsizliklə bağlı təlimlər
keçirilmişdir. Təlim iştirakçıları Azərbaycanın
ekologiya sahəsində qoşulduğu beynəlxalq konvensiyalar
ilə tanış olmuş və ətraf mühitin qorunması sahəsində
fikir mübadiləsi aparmışlar.
Təlimlər zamanı həmçinin regionda yaşayan gənclərin
ətraf mühitin mühafizəsinə daha aktiv cəlb edilməsi
yolları müzakirə edilmişdir.
Samirə KƏRİMOVA |