Gəncə Dövlət Universitetində bu təhsil ocağının alman
dili kafedrası və Alman Akademik Mübadilə Xidmətinin
birgə təşəbbüsü ilə təkmilləşdirmə kursu təşkil
edilmişdir.
AzərTAc xəbər verir ki, alman dili müəllimlərinin
təkmilləşdirilməsi, onların başqa ali təhsil ocaqları
ilə mübadiləsini təmin etmək məqsədilə keçirilən
kurslarda Gəncə Dövlət, Azərbaycan Dövlət Aqrar və
Azərbaycan Texnologiya universitetlərinin müəllim və
tələbələri iştirak etmişlər.
Alman Akademik Mübadilə Xidmətinin direktoru Nicola
Ullisch çıxış edərək alman dilinin inkişaf etdirilməsi,
bu sahəyə marağın artırılması üçün görülən işlərdən
danışmış, müəllimlərin dərslik və digər əyani
vasitələrlə təminatında bütün imkanların olduğunu
diqqətə çatdırmışdır.
Sonda müzakirələr aparılmış, kursu bitirənlərə
sertifikatlar təqdim olunmuşdur. |