|
Rusiya Federasiyasında 2013-cü il sentyabrın 1-dən
təqaüd fondunun 5,5 faiz indeksləşdirilməsi
planlaşdırılmışdır. Beləliklə, orta ixtisas təhsili
proqramları üzrə təhsil alan tələbələr üçün təqaüdlərin
normativi 487 rubl təşkil edəcək. Ali məktəb tələbələri
üçün bu rəqəm 1340, aspirantlar üçün 2637, ordinatorlar
üçün isə 6717 rubl olacaqdır. Bu rəqəmlər Təhsil və Elm
Nazirliyi işçi qrupunun Rusiya Federasiyası hökumətinin
təqaüd təminatı haqqında qərar layihəsinin müzakirəsinə
həsr olunmuş iclasında gətirilib. İşçi qrupunun
tərkibinə ölkənin aparıcı universitetlərinin, RF Xalq
Təhsili və Elm İşçiləri Həmkarlar İttifaqının, Rusiya
Tələbələr İttifaqının və digər ictimai təşkilatların
nümayəndələri daxil edilmişlər.
Sosial təqaüdlərin normativlərinə gəldikdə isə, o, orta
ixtisas üçün ayda 730 rubl, ali təhsil üçün 2010 rubl
təşkil edir. Əlbəttə, bu heç də o demək deyildir ki,
bütün tələbələr eyni təqaüd alacaqlar. Normativ ali
təhsil müəssisələrinin təqaüd vermək üçün alacaqları
ümumi vəsaiti hesablamaq üçündür. Pulun sonrakı
bölüşdürülməsinə rektorluq və tələbə ictimaiyyəti cavab
verəcəklər.
İşçi qrupunun iclasında baxılmış digər mühüm bir sənəd
isə ali təhsil müəssisələri hazırlıq şöbələrinin
dinləyiciləri üçün təqaüdlər haqqında hökumətin qərar
layihəsi olmuşdur. Yaxın zamanlaradək bu təqaüd ancaq
hərbiçi-müqaviləçilərə verilirdi. "Rusiya
Federasiyasında təhsil haqqında" yeni Qanuna görə
təqaüdü büdcə vəsaiti hesabına hazırlıq şöbələrində
təhsil almaq hüququ olan digər kateqoriyalı güzəştçilər
də alacaqlar. Sentyabrın 1-dən bu kateqoriyadan olan
bütün dinləyicilərə 2000 rubl məbləğində təqaüd
müəyyənləşdirmək təklif olunmuşdur.
"Uçitelskaya qazeta"dan hazırladı: Yusif ƏLİYEV |
