Rəşid Behbudov adına Azərbaycan Dövlət Mahnı Teatrında
Azərbaycan Dövlət Mədəniyyət və İncəsənət
Universitetinin aktyor sənəti fakültəsinin xoreoqrafiya
sənəti və səhnə plastikası kafedrasının illik hesabat
konserti keçirilmişdir. Konsertə bədii rəhbər və
quruluşçu rejissor, xoreoqrafiya sənəti və səhnə
plastikası kafedrasının müdiri, sənətşünaslıq üzrə
fəlsəfə doktoru Ofelya Zeynalova və onun tələbələri
quruluş vermişlər. Rəqsləri tələbələr və "Qız qalası"
uşaq rəqs ansamblı ifa etmişdir. Proqramda "Qazağı",
"Yallı", "Azərbaycan" süitası, "Vals", "Yağış",
"Şalaxo", "Qaraçı" "Qaradəniz" və digər rəqslər,
"Yuxu" və "Dəniz" xoreoqrafik kompozisiyaları təqdim
olunmuşdur.
Rəngarəng konsert proqramı tamaşaçılar tərəfindən
maraqla qarşılanmışdır.
Sifai SƏFƏROVA |