|
 İyunun
27-də Yaponiyanın Torpaq və Nəqliyyat Nazirliyinin
turizm komitəsinin üzvü, "Kuşiro Şimbun" jurnalının
müşaviri İtaru İşi Bakı Dövlət Universitetində olub.
Rektor, akademik Abel Məhərrəmovla görüşən qonaq
səfərinin məqsədi haqqında danışıb. Bildirib ki, ilk
səfərində universitetin şərqşünaslıq fakültəsinin yapon
dili kafedrasında olub və bir dəfə də olsun Yaponiyada
olmayan, orada təcrübə keçməyən tələbələrin dil
biliklərinin çox yüksək səviyyədə olmasından məmnun
qalıb.
Bu səfərində isə ümumən BDU haqqında araşdırma yazısı
hazırlamaq və Bakı haqqında yazdığı kitaba bu
məlumatları daxil etməkdir.
Rektor Abel Məhərrəmov öz növbəsində tədqiqatçı İtaru
İşinin təkliflərini dəyərləndirib və onun maraqlandığı
suallara cavab verib. Sonra tədqiqatçı jurnalist BDU-nun
elmi laboratoriyalarında və mərkəzlərində olub.
BDU-nun Mətbuat və informasiya şöbəsi |
