Tovuz Rayon İcra Hakimiyyətində yüksək balla
respublikanın ali məktəblərinə qəbul olunmuş gənclərlə
görüş keçirilmişdir. Görüşdə rayon rəhbərliyi, Milli
Məclisin deputatı Qənirə Paşayeva və digər şəxslər çıxış
edərək ölkəmizdə təhsilin inkişafı istiqamətində görülən
işlərdən bəhs etmişlər. Qeyd edilmişdir ki, son illər
Tovuz rayonundan respublikanın ali hərbi akademiya və
liseylərinə qəbul olunan abituriyentlərin sayının
artması diqqəti cəlb edir.
Sonra yüksək balla ali məktəblərə qəbul olunan
tələbələrin siyahısı oxunmuşdur. Bildirilmişdir ki,
Bozalqanlı kənd tam orta məktəbinin məzunu Nərminə
Murquzova 700, M.Məmmədov adına Yuxarı Öysüzlü kənd tam
orta məktəbinin məzunu Klara Axundova 690, E.Bayramov
adına Əyyublu kənd tam orta məktəbinin məzunu Polad
Sadıqlı 671, A.S.Puşkin adına Tovuz şəhər tam orta
məktəbin məzunu Ömər Həsənli isə 641 bal toplayaraq
yüksək nəticə əldə etmişlər. Tədbirin sonunda 500-dən
yuxarı bal toplayaraq ali məktəblərə qəbul olunan 75
gəncə hədiyyələr təqdim olunmuşdur. |