"Uşaqların futbol vasitəsilə sağlamlıqlarının
qorunması və cəmiyyətə inteqrasiyası" sosial layihəsi
çərçivəsində Qax şəhərində uşaqlar üçün yay sosial
futbol düşərgəsi təşkil olunmuşdur. "Azərbaycan
Respublikasında 2005-2015-ci illərdə futbolun inkişafına
dair Dövlət Proqramı" çərçivəsində həyata keçirilən
layihənin əsas məqsədi uşaqların futbol vasitəsilə
sağlamlıqlarının qorunması və sosial futbol modelini
Azərbaycanda tətbiq etməklə ölkədə bu idman növünün
inkişafına nail olmaqdır. Layihə Gənclər və İdman
Nazirliyi ilə "Real Madrid" Fondu arasında imzalanmış
əməkdaşlıq müqaviləsinə uyğun olaraq 2013-2017-ci illəri
əhatə edir. Qarşıda duran əsas vəzifələr futbolla bağlı
məlumat-maarifləndirməni və təbliğatı gücləndirmək,
futbol mütəxəssislərinin hazırlanması sistemini
təkmilləşdirmək, xarici futbol təşkilatları ilə əlaqələr
qurmaq, əhalinin bütün təbəqələrindən olan uşaqların
futbolla məşğul olmalarına şərait yaratmaqdan ibarətdir.
|