|
Salyan rayonunda ümumtəhsil məktəblərinin maddi-texniki
bazasının gücləndirilməsi istiqamətində quruculuq işləri
davam etdirilir.
Rayon təhsil şöbəsinin müdiri Əbülfəz Bədəlovdan
aldığımız məlumata görə, Plastmas yaşayış massivində
640, Boranıkənd tam orta məktəbi üçün 220 şagird yerlik
yeni məktəb binaları inşa edilmişdir. Şəhər 8 nömrəli
tam orta məktəb üçün 160 şagird yerlik yeni korpusun, 5
nömrəli tam orta məktəb üçün əlavə sinif otağının və
idman zalının tikintisi başa çatmaq üzrədir. Qaraçala
qəsəbə və Dayıkənd tam orta məktəblərində əsaslı təmir
işləri davam etdirilir.
Məktəb binalarının yeni tədris ilində istifadəyə
verilməsi və tədrisin yüksək səviyyədə keçirilməsi üçün
hər cür şəraitin yaradılması nəzərdə tutulmuşdur.
S.SƏFƏROVA |
