Javascript DHTML Drop Down Menu Powered by dhtml-menu-builder.com

ARXİV

20 Sentyabr 2013 - №36

 

Gənclər Naxçıvan Dövlət Universitetinin tələbəsi adını qazandıqları üçün qürur duyurlar

 

 Naxçıvan Dövlət Universitetində Bilik Gününə həsr olunmuş yığıncaq keçirilmişdir. Universitetin tarixini və inkişaf yolunu əks etdirən filmin nümayişindən sonra rektor, biologiya elmləri doktoru, professor Saleh Məhərrəmov çıxış edərək bu il ali məktəbə yeni qədəm qoyan I kurs tələbələrini təbrik etmişdir. Bildirilmişdir ki, ümummilli lider Heydər Əliyevin təhsil siyasətinin uğurlu davamı, Naxçıvan Muxtar Respublikasında intellektual potensiala  göstərilən əvəzsiz qayğı Naxçıvan Dövlət Universitetində də öz real inikasını tapmaqdadır.

Vurğulanmışdır ki, universitetin 108 hektarlıq  ərazisində tikilən,  əsaslı təmir olunaraq istifadəyə verilən tədris korpusları, Tələbə Sosial Xidmət Mərkəzi, Tələbə Evi, idman meydançaları  ölkədə  və  Naxçıvan Muxtar Respublikasında təhsilə, savadlı kadrların yetişməsinə göstərilən yüksək qayğının təzahürüdür. Məqsədyönlü təhsil strategiyasının nəticəsidir ki, Naxçıvanda möhkəm milli əsaslara malik, güclü maddi-texniki bazası olan müasir tipli universitet formalaşmışdır.

Daha sonra  690 balla hüquqşünaslıq ixtisası üzrə tələbə adını qazanmış Surə Qurbanova, həmçinin 600-dən yuxarı bal toplayaraq müalicə işi ixtisasına qəbul olunmuş Tamam Seyidli, beynəlxalq münasibətlər ixtisasının I kurs tələbələri Rəhim Nəcəfov və İnci Rzayeva çıxışlarında inkişaf dinamikasına görə dünya ali məktəbləri ilə rəqabətə girə biləcək bir təhsil ocağı olan  Naxçıvan Dövlət Universitetinin tələbəsi adını qazandıqları üçün qürur duyduqlarını və burada tələbələrə  yaradılan şəraitdən layiqincə istifadə edəcəklərini bildirmişlər.

Sonda 600-dən yuxarı balla universitetə qəbul olunmuş tələbələrə tələbə biletləri təqdim edilmişdir.  

Mina QASIMOVA

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov