"Baku Open-2013" Beynəlxalq şahmat festivalının 12
yaşadək uşaqlar arasında ("C") turniri başa çatmışdır.
Azərbaycan Şahmat Federasiyasından bildirmişlər ki,
turnirdə ölkəmizin müxtəlif bölgələrindən 120 zəka
sahibi qələbə uğrunda mübarizə aparmışdır.
On iki yaşadək oğlanlar arasında ən yaxşı nəticəni Bakı
şəhərinin şahmatçıları Qurban Bayramov və Rüfət Nəsibov
göstərmişlər. Hər iki şahmatçı 7,5 xal toplayaraq
birinci və ikinci yerləri bölüşdürmüşlər. Digər şahmatçı
Sadiq Ağayev isə yeddi xalla üçüncü pillədə
qərarlaşmışdır.
Eyni yaşlı qızlar arasında hesabına 6,5 xal yazan Leyla
İbrahimli birinci, Aysu İsmayılova beş xalla ikinci,
eyni xalla Səriyyə Zeynalova isə üçüncü olmuşlar.
On yaşadək oğlanlar arasında Məhəmməd Muradlı yeddi xal
toplayaraq lider adını qazanmışdır. Vüqar Manafov və
Zaur Balayev isə 6,5 xalla ikinci və üçüncü yerləri
bölüşdürmüşlər.
Sədaqət Abbasova altı xal toplayaraq 10 yaşlı qızlar
arasında birinci, Gövhər Beydullayeva 5,5 xalla ikinci,
Nəcibə Orucova isə 5 xalla üçüncü yeri tutmuşdur.
Səkkiz yaşadək oğlanlar arasında Mətin Salamov və Sənan
Əliyev hərəsi 5,5 xalla birinci və ikinci yerləri
bölüşdürmüşlər. Üçüncü yerin sahibi isə beş xalla
Sumqayıt şahmatçısı Abusəddin Mollayev olmuşdur. Eyni
yaşlı qızlar arasında Ayan Allahverdiyeva 5,5 xalla
qrupunun vahid lider adını qazanmışdır, Mehin Taba-Tabai
4,5 xalla ikinci yerdə, Nərminə Cəfərova isə 4 xalla
üçüncü yerdə qərarlaşmışlar.
Qaliblər qiymətli hədiyyələrlə mükafatlandırılmışlar.
Rəşad ZİYADOV |