|
Dünya Azərbaycanlı Gənclər Birliyinin tərəfdaşlığı ilə
"İnformasiya texnologiyalarının nailiyyətlərindən
gənclərin düzgün bəhrələnməsi" adlı layihəyə start
verilib.
Azərbaycan Respublikasının Prezidenti yanında Gənclər
Fondunun dəstəyi ilə reallaşdırılan layihənin məqsədi
region gənclərinin İKT sahəsində düzgün istiqamətdə
maarifləndirilməsi və beynəlxalq təcrübəni öyrənərək
ondan effektiv bəhrələnmə işinin aparılmasıdır.
Hazırda dünyada informasiya cəmiyyətinə keçid dövründə
əsas məsələlərdən biri də İKT nailiyyətlərindən səmərəli
istifadə və onun gənclərin gələcək həyatına təsiridir.
Bu sahədə peşəkar olan insanların regionlarda gənclərlə
görüşünün təşkilini və onlarla İKT-dən beynəlxalq
təcrübəyə əsaslanaraq səmərəli maarifləndirmə işinin
aparılmasını nəzərdə tutan layihə Azərbaycanın 3
regionunda - Lənkəran, Ağstafa və Şəkidə həyata
keçiriləcək.
Samirə KƏRİMOVA |
