Javascript DHTML Drop Down Menu Powered by dhtml-menu-builder.com

ARXİV

27 Sentyabr 2013 - №37

 

Gənclərin yeni media və sosial şəbəkələrdə fəallığı artacaq

 

 "Gənclərin Sosial və İqtisadi İnkişafına Yardım" İctimai Birliyi Azərbaycan Respublikasının Prezidenti yanında Gənclər Fondunun dəstəyi ilə paytaxtda "Yeni media və gənclərin sosial şəbəkələrdə fəallığının artırılması" adlı layihəni həyata keçirib.

Adıçəkilən layihənin əsas məqsədi ictimai sahədə fəal olmayan gənclərin yeni media və sosial şəbəkələrdən düzgün istifadə edilməsi haqqında bilik və bacarıqlarının artırılmasıdır. Gənclər layihə çərçivəsində sosial şəbəkələrdən istifadə qaydası, yeni və ənənəvi medianın üstünlükləri, eyni zamanda vətəndaş jurnalistikası haqqında məlumat alıblar. Təlimlər zamanı gənclərin elektron məlumatların əldə edilməsində düzgün alətlərdən istifadə etmədikləri ortaya çıxıb və bununla bağlı maarifləndirmə kampaniyasının aparılmasının zəruriliyi vurğulanıb.

Bunu nəzərə alan "Gənclərin Sosial və  İqtisadi İnkişafına Yardım" İctimai Birliyi maarifləndirmə kampaniyasının davamı kimi yeni media və sosial şəbəkələr haqqında məlumatı əks etdirən buklet çap edərək onu təlim iştirakçıları ilə yanaşı, bir sıra qeyri-hökumət təşkilatlarına və gənclərə paylayıb.

Qeyd edək ki, bu layihədən çoxlu sayda paytaxt gənci bəhrələnib. 

Samirə KƏRİMOVA

 
 
 
Səhifənin başına qalx "Xəbərlər" bölməsinə get Nömrənin müdəricatına dön Səhifənin başına qalx
 

AZƏRBAYCANIN TƏHSİL NAZİRLƏRİ

 

DÜNYA UNİVERSİTETLƏRİ

 

DÜNYA TƏHSİLİ

 

DÜNYA ÖLKƏLƏRİNDƏ ALİ MƏKTƏBLƏRƏ QƏBUL

 
 
 

Copyright  ©  All Rights Reserved.
Created and supported by Mehman Shafagatov