2013-cü
il avqustun 5-dən başlayaraq Azərbaycan Respublikası
Təhsil Sektorunun İnkişafı üzrə İkinci Layihə
çərçivəsində kurikulumlar üzrə təlimlərə start verildi.
Təlim və İnkişaf Mərkəzinin tarix fənni üzrə təlimçisi
olaraq deyə bilərəm ki, təlim apardığım Bakı, Sumqayıt
şəhərləri və Balakən rayonunda bu kurslar müəllimlər
tərəfindən çox böyük maraqla qarşılanırdı.
Sentyabr ayının sonunda bütün təlimlərə yekun vuruldu.
Nəticə olaraq əminliklə deyə bilərəm ki, müəllimlər
yeni fənn kurikulumu, onun strukturu və prinsipləri,
öyrənmə tərzləri, məzmun standartları, gündəlik və illik
dərs planları, fəal təlim üsulları, İnternet resursları
və qiymətləndirmə haqqında kifayət qədər yeni bilik və
bacarıqlar əldə etməklə fəal dərsin mərhələlərinə uyğun
dərslər hazırlayaraq təqdimat etdilər. Müəllimlərdə
2013-2014-cü tədris ilində dərslərini yeni fənn
kurikulumu əsasında qurmaq üçün vizual olaraq təsəvvür
və bacarıqlar formalaşdı.
Rövşən BAĞIROV,
Astara rayonu N.Əliyev adına Maşxan kənd
tam orta məktəbinin
tarix müəllimi |